محافظ سوهاج يتابع انطلاق البرنامج التدريبي "المرأة تقود"    قرار جمهوري بترقية عدد من مستشاري هيئة قضايا الدولة    هام وعاجل من التعليم قبل بدء الدراسة: توجيهات للمديريات    سعر اليورو اليوم الإثنين 18 أغسطس 2025 بختام التعاملات بالبنوك المصرية    محافظ بنى سويف يشهد احتفالية تجهيز 20 عروسا من الفئات الأولى بالرعاية    استقالة رئيس صندوق مصر السيادي السابق من عضوية شركة نايل سات    نزع ملكية أراضي وعقارات لإنشاء محور دار السلام على النيل    الرئيس السيسى: ضرورة البدء الفورى فى عملية إعادة إعمار غزة عقب وقف إطلاق النار    نسف للمنازل وقصف إسرائيلي لا يتوقف لليوم الثامن على حي الزيتون    "العدل": على دول العالم دعم الموقف المصري الرافض لتهجير الفلسطينيين من أرضهم    إندبندنت: احتجاجات تل أبيب الأكبر والأعنف للمطالبة بوقف الحرب على غزة.. صور    اتحاد الكرة يقرر مد فترة قيد القسم الرابع والمراحل السنية وكرة الصالات    رئيس مجلس أمناء الجيزة: البكالوريا تصنع الحافز وتغذي الحلم لدى الطلاب    القبض على سائق توك توك لاتهامه بالسير عكس الاتجاه فى الإسكندرية    حبس المتهمين بالتخلص من جثة صديقهم أثناء التنقيب عن الآثار في الشرقية    مقتل شخص بطلق نارى خلال مشاجرة بسبب خلافات الجيرة فى المحلة    جامعة حلوان تستضيف طلاب الجرافيك من كلية الفنون الجميلة – جامعة المنصورة    الليلة.. عروض فنية متنوعة ضمن ملتقى السمسمية بالإسماعيلية    تعرف على إيرادات فيلم "أحمد وأحمد"    أكرم القصاص: مصر قدمت 70% من المساعدات لغزة وقادرة على تقديم المزيد    البحوث الفلكية: غرة شهر ربيع الأول 1447ه فلكياً الأحد 24 أغسطس    جولة تفقدية لوكيل الطب الوقائى بوحدة طب أسرة دروة بأجا فى الدقهلية    الصحة العالمية تقدم أهم النصائح لحمايتك والاحتفاظ ببرودة جسمك في الحر    طريقة عمل الكريب، أكلة سريعة ومناسبة لأجواء الصيف    رئيس "الجبهة الوطنية": الفرص متساوية في الترشح لانتخابات "النواب".. والشفافية تحكم الاختيار    "ما السبب؟".. رد حاسم من لجنة الحكام على طلب الأهلي بإيقاف معروف    بعثة يد الزمالك تطير إلى رومانيا لخوض معسكر الإعداد للموسم الجديد    الفنانة مي عز الدين تخطف الأنظار فى أحدث ظهور من إجازتها الصيفية    "كان بيطفي النار".. إصابة شاب في حريق شقة سكنية بسوهاج (صور)    "عين شمس" ضمن أفضل 700 جامعة عالميا وفق تصنيف شنغهاي 2025    القومي للاتصالات يفتح باب التقديم في برنامج "سفراء الذكاء الاصطناعي"    أرباح "أموك" للزيوت المعدنية ترتفع طفيفا إلى 1.55 مليار جنيه في 6 أشهر    مقترح برلماني لتعديل مواعيد العمل الرسمية من 5 فجرًا إلى 12 ظهرًا    الجمعة.. ويجز يحيي حفلًا بمهرجان العلمين    حظك اليوم.. تعرف على توقعات الأبراج اليوم الاثنين    الديهي يكشف تفاصيل اختراقه ل"جروب الإخوان السري" فيديو    رضا عبدالعال: خوان ألفينا سيعوض زيزو في الزمالك.. وبنتايج مستواه ضعيف    اليوم.. الأهلي يتسلم الدفعة الأولى من قيمة صفقة وسام أبو علي    بالفيديو.. الغرف التجارية: متابعة دائمة من الأجهزة الرقابية لتطبيق التخفيضات خلال الأوكازيون    في يومها الثالث.. انتظام امتحانات الدور الثانى للثانوية العامة بالغربية    وزيرة التضامن الاجتماعي: دعم مصر لقطاع غزة لم يكن وليد أحداث السابع من أكتوبر    أسعار اللحوم اليوم الاثنين 18 أغسطس 2025 في أسواق الأقصر    مؤتمر صحفي مشترك بين وزير الخارجية ورئيس وزراء فلسطين أمام معبر رفح    وفاة شاب صدمته سيارة مسرعة بطريق القاهرة – الفيوم    "الأغذية العالمى": نصف مليون فلسطينى فى غزة على شفا المجاعة    «التعليم» ترسل خطابًا بشأن مناظرة السن في المرحلة الابتدائية لقبول تحويل الطلاب من الأزهر    «متحدث الصحة» ينفي سرقة الأعضاء: «مجرد أساطير بلا أساس علمي»    مدرب نانت: مصطفى محمد يستحق اللعب بجدارة    دار الإفتاء توضح حكم شراء حلوى المولد النبوي والتهادي بها    التعليم تحسم الجدل : الالتحاق بالبكالوريا اختياريا ولا يجوز التحويل منها أو إليها    محافظة بورسعيد.. مواقيت الصلوات الخمس اليوم الإثنين 18 أغسطس 2025    قوة إسرائيلية تفجر منزلًا في ميس الجبل جنوب لبنان    "2 إخوات أحدهما لاعب كرة".. 15 صورة وأبرز المعلومات عن عائلة إمام عاشور نجم الأهلي    دعه ينفذ دعه يمر فالمنصب لحظة سوف تمر    أسفار الحج 13.. من أضاء المسجد النبوى "مصرى"    سامح حسين يعلن وفاة نجل شقيقه عن عمر 4 سنوات    رضا عبد العال: خوان ألفينا "هينَسي" الزملكاوية زيزو    ماكرون: لا أستبعد أن تعترف أوكرانيا بفقدان أراضيها ضمن معاهدة سلام    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



حلّوس..كل أحلامه بيت وموبايل وأكلة كباب!
نشر في بوابة الشباب يوم 24 - 07 - 2011

30 سنة انتشر فيها الطغيان والفساد ، ثم قامت ثورة مازالت تزحف لتطهر كل أركان المجتمع ، لكن بين كل ذلك هناك طرف لا يفرق معهم – حتى الآن – وهم أطفال الشوارع الذين نجدهم فى كل مكان فى مصر...حاولنا الاقتراب من هذا العالم عن طريق حوارنا مع واحد من هؤلاء الأطفال..وهو عمرو أو حلّوس كما يناديه أقرانه،والذى تردد كثيرا حتى وافق على اجراء هذا الحوار..
إنت اسمك ايه؟
اسمى عمرو ، وأبويا تقريبا اسمه محمد،أصلى انا نسيت اسمه من كتر ما كل الناس بتقولى يا حلّوس ومعرفش ليه بينادونى كده،بس ده بقى اسم الشهره بتاعى.
عندك كام سنه؟
تقريبا 15 سنه.
طيب إنت ايه حكايتك؟
بص يا باشا،أنا فى الشارع من زمان قوى،وكل اللى فكره إنى كنت وأنا صغير بسرح مع ستى اللى قالتى إن أبويه وأمى ماتوا،وبعدين هى كمان ماتت فلقيت نفسى لوحدى فى الشارع.
يعنى ايه بتسرح مع ستك؟
يعنى كانت بتلف تشحت عليا فى السيده،أصلى احنا كنا عايشين هناك قبل ما تموت.
طيب إنت بتعيش فين دلوقتى؟
ياباشا ما إنت شايف أنا بعيش فى الشارع،وبنام تحت أى كوبرى أو فى محطة المترو،أو فى أى خرابه.
وإنت عملت ايه بعد ما ستك ماتت؟
كنت بسرح برضه اشحت فى الشارع لحد ما اتعرفت على عيال فى الشارع وبقيت معاهم من ساعتها،واحد اسمه عبده حمؤه،وسعد رينجو،وغيرهم كتير.
وانتوا بتعملوا ايه؟
ساعات بنروح للحاجة عطيات فى شبرا،وهى بتدينا حاجات بنبيعها فى الاشارات،نبيع مناديل أو فوط حمرا،وساعات كنت اروح اشتغل عند ميكانيكى فى السيده ،بس هو كان بيضربنى علشان كده سيبته،وأهو بقلب عيشى فى أى حاجه.
ومين الحاجه عطيات؟
دى واحده فى شبرا بتبيع حاجات وبتسرح العيال يبيعوها وبتديهم حسنتهم بعد ما تنشف ريقهم،وبالكتير تديهم 3 جنيه.
انت بتكسب كام فى اليوم؟
والله حسب الظروف ،لما يكون فيه سبوبه نظيفه ممكن أكسب 10 جنيه فى اليوم،وساعات 5 جنيه ، وساعات مفيش.
والفلوس دى بتجيبها منين؟
الرزق يحب الخفيه ، يا إما من بيع المناديل أو من الشحاته.
طيب بتاكل ازاى؟
أهو بروح عند أى عربية فول لو معايا فلوس،ولو معيش فلوس بروح أى محل وأشحت أكل،ولو غلبت بروح عند أى مقلب زباله أصلى الناس بترمى أكل بالهبل،وأهى بترزق.
إنت بتشرب حاجه؟
أه بشرب سجاير بس والله يا باشا،وكلها سبارس يعنى سجاير مشروبه قبل كده.
عمرك ما شديت كلّه؟
ساعات،بس اعرف عيال بيضربوها ليلاتى فى أى منطقه.
طيب إنت وأصحابك بتناموا ازاى؟
عادى بنروح أى مكان وننام فيه الرجاله مع البنات عادى.
طيب مابتخفش؟
لأ أصلى أنا بلف طول النهار فبرجع مهدود بنام على طول وبلاقى الصبح جه بسرعه.
* مابيحصلش إعتداء من أى ولد على أى بنت؟
بيحصل بس بيبقى برضاهم،بس أنا معملتش حاجه والله،وساعات غصب عنهم بس برضه مابيقدروش يقولوا لأ.
طيب إنت عمرك ما اعتديت على بنت؟
لأ وربنا.
اتمسكت قبل كده من البوليس؟
لأ،أنا دايما ببقى فى السليم،وبعرف أكت وأجرى،لأنى عارف إنى لو اتمسك مش هارجع تانى،وأول ما اسمع السرينه اقول يا فكيك.
إنت حاسس إن الناس مش بتحبكوا؟
الناس بتخاف مننا مع إننا غلابه قوى،وما بنضرش حد،صحيح إن فيه عيال ولاد حرام بيسرقوا ويعملوا عمايل وحشه بس فيه غلابه كتير.
طيب إنت مبسوط كده؟
يعنى هو بكيفى،وبعدين يا باشا أنا اتعودت على المرمطه،وأنا مش زيك بيه.
سمعت عن التوربينى؟
لأ.
التوربينى ده كان زعيم عصابه لإغتصاب أولاد الشوارع..عمرك شوفت كده؟
يااه فيه كتير كده،أعرف إنه كان فيه واحد اسمه عزت كان بيعمل كده،أنا سمعت عنه،بس مليش دعوه بيه ولا عمرى شوفته.
طيب شوفت قبل كده أى زعيم لعصابه من أطفال الشوارع؟
حراميه يعنى،أه شوفت قبل كده،ياسر صاحبى بيشتغل معاهم.
وإنت ماشتغلتش معاهم ليه؟
أصلى بخاف أتمسك،وبعدين أنا غلبان يا باشا.
طيب شوفت بنات باعوا أولادهم قبل كده؟
طبعا شوفت،وأعرف واحده اسمها عزة عملت كده وباعت ابنها،بس هى متحصره عليه دلوقتى يا ولداه،ونفسها ترجعه،بس خلاص بقى.
إنت نفسك فى ايه يا عمرو؟
نفسى فى حاجات كتير،نفسى يكون عندى بيت أعيش فيه،ونفسى أبقى معلم كبير ،ويكون عندى موبايل بكاميرا،ونفسى فى أكلة كباب من عند الحاتى،وعلى فكره دى حاجه نفسنا فيها كلنا.
مش نفسك تعيش حياه كويسه وتشتغل؟
إيدى على كتفك ،هو أنا يعنى هاقول لأ.


انقر هنا لقراءة الخبر من مصدره.