مازال الثأر مستمر بين المستشار مرتضى منصور والوايت نايتس.. وخصوصا بعد ما قام به أفراد تلك المجموعة من اعتداء على رئيس نادي الزمالك.. بجانب حالة الغضب التي تسيطر على كثير من جماهير الزمالك مما فعله الألتراس.. وأكد مرتضى منصور، أن روابط الألتراس الجناح الإجرامي لجماعة الإخوان المسلمين، وقال أن الألتراس كانوا بداخل ميدان رابعة سابقاً، ومن تسببوا أيضاً فى مذبحة بورسعيد، مشددا على مواصلة معركته معهم للقضاء عليهم. وانتقد رئيس الزمالك دفاع محمود طاهر رئيس النادي الأهلي على روابط الألتراس وإدخالهم القلعة الحمراء، متهمه بأنه يقوم بحماية العصابة الإجرامية ووجهت الوايت نايتس رسالة لمرتضى وقالوا" انتهي الدرس .. يا مريض يا عدو نفسك !!.. إطلع هلل في التلفزيونات .. وإتصل بكل البرامج والصحف .. وعيط وقول ضربوني بالنار ورموا عليا ماية نار .. بس لسوء حظك المرادي كل حاجة متصورة ڤيديو، القفا اللي إنت أكلته وكيس "..." اللي إنت لبسته قبل ما تنزل تجري ع النفق زي الفيران وإنت بتصوت زي النسوان، كله طالع في الفيديو ..كل مرة كنت بتزيف الحقايق، بس المرادي مش هاتقدر تكدّب الڤيديو، ال... هو مقامك يا كلب النظام .. إنت مش قدنا وإحنا ما بنخلصش .. شد السيفون يا مُر وإستنى الفيديو ؛) ووجه عدد كبير من جماهير الزمالك انتقاداته لما فعلته الوايت نايتس على صفحتهم الرسمية.. فانتقد "ÄĥMãď Ďå Ãńă" موقف الوايتس نايتس فقال: "فين الرجوله ف كدة وانتو عايزين ايه فهمونا بس من رئيس النادي". وأضاف "Mohamed Helme": "حرااااام بجد الفيديو ده انتشر ارحمو عزيز قوم ذل". فيما قال "العندليب مصطفى": "دي اسمها قله ادب حسبي الله ونعم الوكيل". بينما علق "Samy Elsayed": "تفتكر انت كدا صح لما تضرب راجل كبير قد ابوك ومحترم والله عيب". وكتب "Ahmed Khaled": "رغم انى مش بحب مرتضى بس اللى حصل ده قلت ادب اوى مهما كان ده راجل كبير". وقال Mohamed Jubaاحنا خلاص في زمن اي حد كبير في السن وشعرو ابيض يضرب بالقلم في الشارع من عيل قد احفادو والناس تسقف للعيل ده ويفرحوا ويقولولوا اضرب كمان بس حنقول ايه إفعل كما شئت فكما تدين تدان وقال Bahaa Bebo فكرينها مرجله الراجل الى يواجه موش يضرب ويجرى زى العيال عشان ده شغل عيال وقله ادب وانا اهلاوى وبفتخر بده والا الاتراس والازفت وقال Don't-be Sad-just Smile رساله للالتراس انا حد من ملايين من جماهير نادى الزمالك من النهارده انا كرهتكم و خسرتوا اى تعاطف نحيتكم بعد اللى حصل منكم مستحيل تكونوا رجال اللى يعمل كده فى راجل فى سن ابوه مش يستاهل السجن لا ده يستاهل الموت مستحيل تكون جواكم بذره حب لنادى اسمه الزمالك ازاى وانتم بتكرهوا اى حد يجادلكم او يرفض ممارستكم وطريقه تشجيعكم ايه الفرق بينكم وبين ارهابي بيقتل انسان علشان بس مش زيه او مش متفق معاه فى الرأى مين انتم علشان تحاكموا انسان انتخبوه الالاف ليكون رئيس النادى احنا جمهور الزمالك الحقيقي احنا اللى بنصقفله لما يفوز ونضحك احنا اللى بنحزن لما يتهزهم ونبكى مش لازم نكسر ونحرق علشان نقوله احنا بنحبك يانادينا احنا بنشرف نادينا فى كل انحاء العالم باحترمنا و هدؤنا وشياكتنا مستحيل نعمل زيكم من النهارده احنا اللى مش عايزنكم احنا اللى بنطردكم من نادينا احنا اللى مش عايزنكم فى نادينا احنا الجماهير الوفيه الحكايه بقيت اكبر من تشجيع او حب طظ فى اى حاجه ممكن تخلينا نعمل فى بعضنا كده ربنا ينتقم منكم على افعالكم ويحاسبكم على اد نيتكم منكم لله لكل واحد محسوب علينا زملكاوى وهو جواه ارهابي
