سمعت أخر نكتة .. ؟!

واحد صعيدي كان مسافر .. فلما وصل المطار فوجيء إنهم ركبوا جهازاً جديداً عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا واللي قالت : أنت هريدي من الصعيد و عندك طيارة كمان نص ساعة ! .
الصعيدي اتبسط و راح لبس خواجة و راح تاني وقف قدام المرايا,فالمرايا قالت: انت هريدي من الصعيد و عندك طيارة كمان ربع ساعة .. الصعيدي راح لبس خليجي و راح تاني وقف قدام المرايا واللي قالت له : ايوة انت هريدي من الصعيد .. خليك قاعد تستهبل كده لحد ما الطيارة تروح عليك !
دي كانت واحدة من مجموعة نكت ظريفة أرسلها لنا الصديق " اسماعيل عبد ربه "
.. طيب اسمعوا دي كمان :
مرة واحدة تتدلع على زوجها وتغني له أغنية نانسي عجرم :
' إهدى حبيبى كدة وأرجع زي زمان'
الراجل طلقها و رجع لأيام العزوبية !
ولو دي معجبتكش .. طيب اسمع غيرها :
إليسا وهيفاء وهبي ونانسي عجرم راكبين قطار وبيتكلموا عن فارس أحلامهم ..
إليسا قالت : نفسي أتجوز ضابط
هيفا قالت : نفسي أتجوز صيني
نانسي قالت : نفسي أتجوز لاعب كرة مشهور
سمعهم واحد دخل عليهم وقالهم ..
معاكوا العقيد شونج يونج الشهير بأبوتريكة!
**
نكتة ثالثة ..
مدرس محشش أضطر أنه يروح المدرسة .. وطبعاً مكانش داري بيقول إيه وتاني يوم واحد من تلاميذه قال له " قلت إن حرب طروادة كانت بالطيارات قلنا عادي .. قلت إن صلاح الدين فتح القدس بالكيماوي والصواريخ قلنا ماشي .. لكن تقول إن بطليموس باع أنطونيو بخمسين مليون لبرشلونة واسعة قوي !
**
عموماً سواء النكت دي أعجبتكم أم لا .. الدور عليكم لتحكوا لنا أحلى نكتة سمعتوها فى اليومين اللي فاتوا .