بنات × بنات

عالم البنات مليء بالأسرار ولا يعرف تفاصيله سوى البنات لذا قررنا منح هذه المساحة للبنات ليعبرن فيها عن أنفسهن والحديث عن المشكلات والهموم والقضايا التى تشغل بالهن ويرفض المجتمع فى كثير من الأحيان الاستماع إليها. ويمكن التواصل والمشاركة فى هذا الباب عبر البريد الإلكترونى:
banatXbanatrosa@yahoo.com


سنة أولى كلية.. ضحك ولعب وجد وحب

طول مرحلة الثانوى كان كل أحلامنا تتلخص فى كلمة واحدة هى "الكلية" كنا بنحلم بيها واحنا بنذاكر وكانت السبب أننا نجتهد فى الدراسة علشان نخرج من عنق الزجاجة زى ما كانوا بيقولونا.وانتظرنا النتيجة بفارغ الصبر ومع إعلان نتيجة التنسيق كثير منا أصابه الإحباط لأن مش دى الكلية اللى كان بيحلم بيها.وحاولت الاستعداد لبداية المرحلة الجديدة اللى هى "الكلية"اللى حلمت كثيرًا بيها واستعديت ونزلت اشترى لبس وشنط لتوديع مرحلة ثانوى بلا رجعة.

وعندما جاء اليوم المنتظر لبداية "الكلية" كان يوم سبت ونزلت وصلت كلية تجارة جامعة عين شمس أول لما دخلت حسيت انى تايهة وعايزة اعيط وبصيت للطلاب أكنهم اعدائى.وقعدت أسأل على مكان المدرج وأول لما دخلته وقفت مستغربة وانتابنى صمت رهيب للحظات حسيت برغبة شديدة إنى أروح تانى على البيت وأبعد عن الدنيا الكبيرة الواسعة اللى فى الكلية دى ،لكن اصحابى شجعونى أننا نحضر محضرات ولكن كنت مضيقة من الطلاب اللى بيكلموا ويضحكوا والدكتور بيتكلم غير طبعا احترام المدرس اللى كنت بشوفه أيام المدرسة.

ومع بدء الدكتور فى الشرح الدنيا اتلغبطت معايا وحصلى نوع من عدم التركيز مش عارفة ألحق اكتب وعدا أسبوع وتعودت بس كنت متحفظة مع طلاب وكنت انطوائية اوى لغاية مشفت اصحابى من ثانوى واندمجت معاهم.

كنت مستغربة من شكل البنات والأولاد، البنات سبحان الله حطين تلات طبقات بودرة وتلات اقلام روج غير اللبس مبالغ فيه الضيق والقصير. وكمان كان عندى فضول اما بيكون فى محاضرات مش بيحضروا ليه؟ مش عارفين مواعيد؟ ولا هما مش بيجوا عشان يحضروا. وكنت مستغربة اوى من الانفتاح فيه المعاملة، أيام المدرسة الولاد كانوا معنا فى الدروس بس مكنش فيه كلام بينا.لكن بعد المحاضرة لقيت ولد سألنى على محاضرة التانية اتخضيت ووقفت مش عارفة أرد وبتلجلج فى الكلام وبتلفت شمال ويمين اكنى بعمل حاجة غلط بالرغم إن إجابة السؤال فى تلات كلمات بس.

ولما سألت ناس أكبر منى قالولى أنه موضوع عادى لازم يكون فى حدود وأنه لازم نراعى ربنا فى كل حاجة بنعملها بس قلت مش هاسبق الأحداث كل حاجة هاتحصل فى وقتها. المشكلة أن فيه بنات كثير فى الجامعة كل تفكيرها فى الصحوبية وازاى توصل للولد وتلفت نظره وأكننا فى سباق. قد إيه أنا حسيت ان تفكير بالشكل ده سطحى وتافه قوى بس بصراحة أكيد م كل البنات فى الجامعة كده.واكتشفت أن المدرج منقسم إلى البنات اللى فى البنشات الاولى ناس دماغها مذاكرة وانها تجيب تقدير اما الوسط ولا مذاكرة اوى وضياع اوى وسطى كدا اما بقا البنشات الاخيرة ناس مرياحة اوى طول محاضرة ضحك حسيت ان بيوزعوا نكت بس حطيت فى دماغى ان لازم يكون ليا هدف ومكان فى مجتمع علشان لما اتجوز فى يوم انجح فى تربيته أولادى تربية كويسة وأكون قدو ليهم.
كتبتها: هناء حمدى طالبة بكلية تجارة عين شمس لديها أخ وأخت وتعتبر والدها هو المثل الأعلى لها فى الحياة وتهوى القراءة وتحب تعلم اللغات. وتنتقد هناء سلوك الكثير من الفتيات اليوم اللاتى شاغلهن الأكبر هو الاهتمام باللبس والماكياج من أجل لفت أنظار الشباب بدلا من الاهتمام بتنمية عقولهن ليصبحن أمهات صالحات فى المستقبل وقدوة لأولادهن.

شنطتك الواسعة وملابسك الكاجوال سلاحك ليوم طويل خارج المنزل

لو متطلبات الحياة بتجبرك على قضاء أكثر وقتك بره البيت بنقدملك نصائح عن أهم الحاجات اللى ممكن تساعدك إنك تنجزى مهمتك وتحافظى على أناقتك ومظهرك فى نفس الوقت:
1- يجب انتقاء ملابسك بعناية قبل الخروج من المنزل فاحرصى على أن تكون نظيفة ومكوية لأنها تظهر طبيعتك.

2- حاولى اختيار الملابس المريحة والفضفاضة بعض الشيء وأن تكون عملية فى الاستخدام وتساعدك على الحركة وتجنبى الملابس الضيقة جدا التى تقيد حركتك.

3- تجنبى الميكاج والألوان الصاخبة عند الخروج فى الصباح يمكنك الاكتفاء بكحل ملون وهو ما قد يضفى جمالاً وصفاء على بشرتك دون تعرضها للأذى.

4- احرصى على أن تحتوى حقيبتك الشخصية على مرايا وصن بلوك لكى تحافظى على بشرتك من أشعة الشمس وأجندة صغيرة لتدوين أى معلومة جديدة وقلم .ولا تنسى أن تحتوى حقيبتك على مناديل معطرة للحفاظ على نظافة يديك. ولنظافة حذائك يجب أن تحتوى حقيبتك على الاسفنجة المخصصة لتنظيف الأحذية لكى تحافظى على نظافة حذائك.

5- تأكدى من عدم نسيان هاتفك المحمول فى المنزل لأنه أصبح من أساسيات التواصل بين الناس.

6- عند اختيار الحذاء حاولى ان يكون حذاء مقفولاً أو ارتداء جوارب للحفاظ على نظافة أقدامك ..وابحثى عن الأحذية ذات الكعوب العريضة والمتدرجة والخشبية لأنها مثالية ومواكبة للموضة ومريحة للغاية..وكذلك الأحذية ذات الداخل الجلدى لأنها ستحمى قدميك من الحساسية والكدمات الموجعة بعد يوم طويل من السير.