هاشتاج "كلمه_لtedata" يتصدر تويتر ومغردون: أحسن تسموها "تاتا تاتا"

تداول رواد موقع "تويتر"، هاشتاجًا بعنوان "كلمه_لtedata"، وهي أكبر شركة للإنترنت في مصر، للسخرية من سوء الخدمة.
جاء بعض التعليقات:
- آلاء: "انتي شركة جميلة وطعمة، يارب اشوفك بتولعي ويطفوكي ببنزين، والمطافي تيجي بنفس سرعة النت بتاعكو".
- محمود علاء: "اقفلوا الشركة وافتحوها تاني".
- مجرد شخص: "انا بقترح يسموها تاتا تاتا، انسب من تى داتا".
- كريم: "فتحت تويتر علشان اوجه كلمة ل تي داتا بس للأسف النت فصل".
- محمود علاء: "انتوا سارقين وصلة وبتوزعولنا".
-حنان الشناوي: "ربنا يديكوا على أد سرعتكوا".
-العطعط": "مش عارف اكتب كومنت، النت زفت".
- بطوط: "أبوس ايديكوا نفسى اتهنى بالنت فى الساعة اللى بقعدها بعد المذاكرة".
- محمد عاطف: "اتصلت بيهم بقولهم في ناس بتشتمكو ع تويتر ومطلعين عينكم، رد عليا واحد اقفل تويتر وافتحه تاني، لأه بقى ده انت حيواان بقي".
- محمد طلعت: "انا بدفع 140 جنيه.. دا غير ال50 بتاعة الأرضي، واقسم بالله التويته دي هتاخد وقت علي ما تترفع".