بطء النت في مصر يشعل غضب الشباب..نشطاء تويتر يطلقون هاشتاج « الحفلة على تي إي داتا»..«ننش»: ابقى سرعة 1 جيجا واستنى الفيس يفتح»..«وليد»:عاوزين توضيح الخدمة محدودة ولا..؟ «طارق»: الناس بتتقدم وانتوا لأ

دشن نشطاء تويتر هاشتاج «الحفلة على تي إي داتا» للتعبير عن غضبهم من السرعة البطيئة للنت، بالرغم من تعديل الأسعار، البعض اعترض عدم قدرة النت على تحميل صفحة «فيس بوك» بالرغم من وصول سرعة النت إلى 1 جيجا، وقارن آخرون بين سرعة النت في مصر وأوربا.
وقالت ننش هل: «الحفلة على تي إي داتا سرعة 1 جيجا 140ج يا... جودة 240 وبيعلق.. بعد العروض الجديد النت عندى... لأن مينفعنيش المحدود أنا أبقى سرعة 1 جيجا وأستنى الفيس يفتح !!!!!»، وعلق وليد كينج: «عاوزين توضيح ردكو علينا لما بنيجى نسأل هل الخدمة unlimited تقولوا لا بس ليك 150 جيجا بس إزاى؟».
وعلقت هيام السيد: «النت فاصل عندى وكلمت الدعم الفنى وكل مرة يقولوا افصلى الراوتر شغلى الراوتر وقبل ماكلمهم كان لمبة ADSL ثابتة بوظوهالى.. آخر ما زهقوا وإنهم مش عارفين يشوفوا سبب النت فاصل ليه يقولى هنبعتلك حد من السنترال في مهمة عمل رسمية خلال 5 أيام الحفلة على تي إي داتا».
بينما سخر سي على قائلا: «الحفلة على تي إي داتا بفكر أعمل حملة بلغ عن جارك اللى شغال في تى إي داتا»، وقال طارق منسي: «الحفلة على تي إي داتا الناس بتتقدم... وإنتوا جايين تعمل كل السرعات ليمتد روح ربنا يديكو على قد صحتكو.. السرعات بتوصل 75 ميجا في أوربا».
وأضافت ريهام أبو العز: «لك أن تتخيل أن دى- السلحفاة- أسرع من إنترنت te-data»، وقال أشرف محمد: «الحفلة على تي إي داتا مش هتعمل حاجة إحنا بنسلي نفسنا بس بجد الشركة دي لازم تتنفخ ونفخ من اللي بجد مش اقفل النت».
وأضاف حسين أحمد: «تي إي داتا دي أبطأ نت فينا الحفلة على تي إي داتا»، وعلق مروان حسين: «أنا وهبت نفسي لله اللي هشوفوا من خدمة العملاء هعوروا، هعوروا... الحفلة على تي إي داتا».
وأضاف عمرو دغيدي: «إنتوا ملكوش عازة أصلا الحفلة على تي إي داتا»، وقالت صبا عماد: «لما النت ييجي الكهربا تقطع ولما ترجع النت يفصل.. الحفلة على تي إي داتا»، فيما علق ياسر إيما: «الحفلة على تي إي داتا رحت أحول لباقة 2 ميجا قالو منقدرش نحول إلا يوم 5 من كل شهر لأن زر التحويل مبيفضاش إلا في الوقت ده، طب أرد أقول إيه؟!».
وقال محمد فاروق: «الحفلة على تي إي داتا انتي عايزة مني إيه يا شركة؟»، وأضاف ماجد الأنصاري: «وزارة الاتصالات عملت زى اللى حب يرخص سعر تذكرة أتوبيس القاهرة - إسكندرية فقالك حتدفع 30 جنيها بدل 50 وتنزل في طنطا الحفلة على تي إي داتا»،
وقالت نور إيهاب «إنتوا عارفين إن النت... سلحفاة بدل م تحسنوه تخلوه أغلى؟!!! الحفلة على تي إي داتا».