بعد أذنك يا دكتور...عاوز احشي الضرسين دول ! بس ياريت يبقي على مره واحده لأني الأسبوع الجاي هيبقي شغلي مسائي ومش هعرف أجي العيادة - أه طبعا تحت أمرك !! وريني كده !!...هحاول بس حضرتك شغال فين... متعتبرش ده تدخل مني ولا حاجه...بس أصلك جاي ببدله وكده وأنا مش متعود على النضافة دي الصراحة...وأخاف تكون حد مهم...وأعملك حاجه متريحكش هاهاها. هاهاها.. أنا شغال كول سنتر في الدعم الفني..في TEDATA...اسمي عماد -فين واسمك إيه !!!! سوري اعذرني عندي برد أنا متأسف من الصوت ده =لا ألف سلامة عليك ولا يهمك... TEDATA بتاعة النت...بتاعة الشركة المصرية للاتصالات. -صوتك مميز أوي يا أستاذ عماد....والشغل صعب بقي هناك ؟! =لا خالص...شغلتي إني برد على الناس اللي النت قاطع عندها وأقولها رستر الراوتر واستني جمبه 10 ثواني هاهاهاها وافتحه وبرده مابيشتغلش عادي خالص تحوير ع الزبون أو أقوله طب وصل الراوتر بالخط الرئيسي مباشرة وشيل السلك الواصل للتليفون وأنا عارف أن المشكلة من الشركة أصلا هاهاهاها أو اسمعه موسيقي نص ساعة لحد مايزهق ويقفل. أو أققوله شد خط التليفون دلوقتي حالا ووصله تاني..وطبعا أول مايشد السلك هيفصل المكالمة ولما يرجع بتصل يكون راح لمسئول خدمة عملا غيري ويعيد كل الكلام من أول وجديد أو اخليه قاعد مركز على لمبة ال sync لحد ماتثبت...وده لما يشوف حلمه ودنه مش هتثبت طبعا عشان المشكلة عندنا. أو أقوله أصلنا عندنا النهارده تحديث بيانات للعملاء وأنت منهم فمفيش نت معلش...اللي هو زي ما أمك تقولك معملتش غدا النهارده... أصلنا بنغسل. وفي الأخر مفيش حاجه بتشتغل هي اسطمبات بيحفظوهالنا في الشركه هاهاهاها... = هو حضرتك عندك نت ؟! -لا للأسف بس أسمع عن النت ده...أنا بتواصل مع أصحابي بالحمام الزاجل أحسن برده عشان ميطلعش عليك اللي بنعمله في الناس هاهاهاهاهاها -طب يلا افتح بقك عشان تاخد الحقنة =مفيش بنج جيل عشان محسش بالحقنة ؟! -لا مفيش..كان فيه وخلص =أي أي أي أي أي براحه يادكتور إيدك تقيله كده ليه !! -معلش..يلا تمام كده هترتاح بره ساعتين ونص لحد ما مفعول البنج يروح وهدخلك =نعم ! -قصدي ربع ساعة لحد ما البنج يشتغل -خلاص تمام كده...حمد الله على السلامة =بس كل ما أقفل بقي حاسس بحاجه غريبة وحاسس أن الحشوة كبيرة أوي !! -لا يا ريس ماغريب إلا الشيطان ده عشان البنج بس...فأنت مش حاسس لكن أنت زي الفل وسنانك بقت قشطة أوكسيم بالله أكيد يا دكتور ؟! أنا عندي شيفت كمان ساعة...ومش هعرف اجيلك تاني...عشان مواعيدي...اتأكد بالله عليك ! -طب وريني كده ؟! افتح بقك واقفله بسرعة !!. لا تمام ياريس صدقني...ده أنت حبيبي عيب عليك الووو ايوه يا دكتور -ايوه مين معايا أنا عماد...عماد تي أي داتا -طب استني معايا كده.. يادكتور مش وقته تحطني على" الهولد" بالله عليك -معلش يا عمده...اصلي في الحمام بعمل زي الناس....اسمع بس التراك ده هيعجبك هاهاها عقبال مخلص تراك ايه بس يا دكتور......يادكتور الحشوة عالية أوي... ومش عارف اقفل بقي ولا اكل ووجعاني أوي -معلش يا عمده طب جربت تشيل الحشوة كده وتحطها تاني يمكن الوجع يروح نياهاهاهاها ايه ؟! حشوه ايه اللي أشيلها ؟! -ولا اققولك جرب كده تشيلها واقعد من غيرها لمده 10 ثواني حطها تاني واستني اما تثبت هاهاها...ايه لسه مش عارفني يا عمده ؟! انت مش عماد محمد فرغلي ؟! -ايوه !! عرفت اسمي الكامل منين !!! -انا استاذ محمد اللي بكلمك بقالي أسبوع عشان النت فاصل عندي وكل شويه تقفل في وشي...وتسمعلي الاسطمبات بتاعتكم دي... وقعت معايا يا عمده الكلب بقالي أسبوع باصص على لمبه ال sync مستنيها تثب مابتثبتش...بصحي من النوم نص الليل اشرب وأبص عليها مبتثبتش... كرهتوني في النت دكتور محمد...الو...الووووو تيرا را را را را تيرارارار تيراراراراراار...أمامك عشرون دقيقة...وسيقوم الدكتور محمد بالرد عليك...هذه رسالة صوتيه مسجله لعمده خصيصا...