يا دكتور أنا عندي السكر، وكنت عاوز حضرتك تخلعلي السِنة الملخلخه دي. - اه دي ملخلخه فعلا ... دي لازم تتخلع مينفعش يتعمل فيها أي حاجه. اه منا عارف، هو أنا قولتلك هحشيها، أنا جاي أخلع. -طيب يا حاج هديك بنج.. وهنخلعها! استني بس ! هتاخد مني كام؟ -يا حاج خلي عنك خالص ... هو الأسعار هنا الخلع ب 25 بس دي ملخلخه !! يعني هما 15 حلو أوي عليها. -ياحاج أنت هتاخد نفس البنج وهنستخدم نفس الجلفز، وهنطلع الأدوات المعقمة من الباوتش، وبندفع إيجار للمكان وفلوس قطن، وفلوس ممرضة، وفلوس للأفندي اللي بيخلع، كل ده يا حاج سواء كانت ملخلخه أو جامدة طب أدي البنج وسيبها علي الله. -ونعم بالله يا حاج.. افتح بقك.. تمام كده . هترتاح بره 10 دقايق عقبال البنج مايشتغل وهدخلك اخلعهالك إن شاء الله بعد 5 دقايق ...بيخبط علي الباب دكتور دكتور ...أنا شديت السِنه أهي ممكن حته قطنة عشان أعض عليها - ماشاء الله يا حاج ...أنت خلعت لنفسك ...ربنا يديك الصحة ها ادفع 15 بقي !! - لا ياحج ..ادفع 5 بس يا حج تمن البنج ...و بعد مالجرح يلم تعالي هنزلك تشتغل معايا هنا في العيادة