وبيقولوا ديمقراطية

كتبت : نسمة عودة ... بيقولوا عايشين زمن الديمقراطية، يا ناس فوقوا من أحلامكوا الوهمية، وفككوا بقى من الكلمة ديه، الأسعار واستغلال التجار ماخلوش لقمة هنية، وبكلمتين فى صحيفة نتدبس فى أجدعها قضية، سيبك يا صاحبى من لغة « الهجص» ديه، وشفلك شغلانة تكسبك دهب وفضية، قالوا بلاش واسطة ورشوة وعنجهية، وهو لسه زماننا فيه الحاجات ديه! ولا أنت عاوزنى أقع فى حوسة وستين رزية، إحنا يا صاحبى عايشين زمن المهلبية، يعنى حكايتنا بقت بشاميل بالكوسة المحشية، يوووووه قصدى « الديمقراطية».