اللهم ولِّ علينا من يصلح

كتب : احمد عبد المقصود : انتخابات مجلس الشعب هى أهم حدث فى مصر دلوقتى، لو نفتكر الانتخابات زمان هنلاقى المرشحين كانوا بيشتروا أصوات الناخبين، يعنى اللى يدى صوته لفلان ياخد مبلغ من المال، أو اللى يقطع البوسترات للمنافس ياخد مبلغ.. وهكذا، وكنا بنختار المرشحين بالمعايير الشخصية، يعنى انتخب فلان عشان قريبى، أو فى مصلحة بينى وبينه، دلوقتى الانتخابات حرة وشريفة، وهنختار بالبرنامج الانتخابى، عشان كده عاوزين كل واحد يقرأ البرنامج الانتخابى، ويختار البرنامج الواقعى، البرنامج اللى فعلا هيحل مشكلة فى أى منطقة إذا كانت إنارة أو نظافة أو سفلتة شوارع، وغيرها، ومش عاوزين نختار واحد يقول هعطى لكل شاب فى المنطقة شقة ويسكت على كده، وبعدين عايزين مدة زمنية فى تنفيذ البرنامج.. مش كلام فى الهواء على فكرة.. مصر هتكون أحسن من الأول بكتير إن شاء الله.. مصر مش تورتة تتقسم بينا، واللى يلحق ياخد قطعة منها قبل التانى.. الحمد لله مصر فيها خير كتير، واللى ينكر خيرها يبقى مش من حقه يعيش فيها.