تزامنا مع المنافسة بينهما في السينما.. محمد إمام يوجه رسالة لأحمد السقا

وجه الفنان المصري محمد عادل إمام رسالة إلى الفنان أحمد السقا، على حسابه الخاص على «انستجرام»، عبر فيها عن شدة حبه واحترامه له.
محمد قال: «انا هقول حاجة لوجه الله و ربنا شاهد علي كلامي .. انا طول عمري بحب أحمد السقا جداً وبعتبره بجد زي أخويا الكبير.. هو الممثل الوحيد في جيله اللي حضرت له تقريباً كل أفلامه في السينما من كتر حبي فيه».
وأضاف: «لما ابتديت امثل كان من امنيات حياتي إني اشتغل معاه ... و من اكتر المرات اللي فرحت فيها لما هو اللي اخترني بنفسة علشان أعمل دور أخوه الصغير في مسلسل خطوط حمرا اللي مازال من اكتر الأدوار اللي بحبها و فرقت معايا في شغلي علشان خاطر وقفت قدام احمد السقا».
وهنأه على نجاح فيلمه الجديد «من 30 سنة»، بقوله: «انا بحبك اوي يا سقا و مبروك النجاح العظيم لفيلمك الجديد و من نجاح لنجاح دايماً يا حبيبي».
يذكر أن محمد عادل إمام ينافس فيلم أحمد السقا «من 30 سنة» بفيلمه "جحيم في الهند" في موسم عيد الفطر المبارك، فيما ذكرت بعض التقارير الصحفية عن وجود حرب يتعرض لها فيلم «من 30 سنة»، في بعض دور العرض السينمائية، حيث يتم إيهام الجمهور برفع الفيلم من السينما، وحثهم على دخول فيلم «جحيم في الهند» بدلا منه.