بالصورة..محمد أمام ل«السقا» مبروك النجاح العظيم لفيلمك الجديد

نشر الفنان محمد إمام صورة له تجمعة مع الفنان أحمد السقا، عبر صفحته الشخصية بموقع الصور العالمى "إنستجرام".
حيث علق «إمام» على الصورة قائلًا، «أنا هقول حاجة لوجه الله وربنا شاهد على كلامى، أنا طول عمرى بحب أحمد السقا جدًا وبعتبره بجد زى أخويا الكبير.. هو الممثل الوحيد في جيله اللى حضرت له تقريبًا كل أفلامه في السينما من كتر حبى فيه... لما ابتديت امثل كان من أمنيات حياتى إنى اشتغل معاه، ومن اكتر المرات اللى فرحت فيها لما هو اللى اخترنى بنفسه علشان أعمل دور أخوه الصغير في مسلسل خطوط حمرا اللى ما زال من اكتر الأدوار اللى بحبها وفرقت معايا في شغلى علشان خاطر وقفت قدام أحمد السقا».
وهنأ «إمام»، أحمد السقا بفيلمه الجديد من 30 سنة قائلا ً "أنا بحبك أوى يا سقا ومبروك النجاح العظيم لفيلمك الجديد ومن نجاح لنجاح دايمًا يا حبيبى".
يذكر أن آخر أعمال محمد إمام فيلم "جحيم في الهند" الذي بدأ عرضه مع بداية موسم عيد الفطر، ويشاركه بطولته ياسمين صبرى، وأحمد فتحى، وبيومى فؤاد، وحمدى الميرغنى، من تأليف مصطفى صقر ومحمد عز، وإخراج معتز التونى.