نشر الفنان محمد إمام، أمس الجمعة، عبر صفحته على موقع انستجرام، صورة له مع الفنان أحمد السقا من كواليس مسلسل "خطوط حمراء" المذاع ف رمضان 2012 ، ووجه "إمام" رساله ل"السقا" يهنئه فيها على نجاح فيلمه الجديد "من 30 سنة"، قائلا: "أنا هقول حاجة لوجه الله وربنا شاهد علي كلامي.. أنا طول عمري بحب أحمد السقا جداً وبعتبره بجد زي أخويا الكبير.. هو الممثل الوحيد في جيلة اللي حضرت له تقريباً كل أفلامة في السينما من كتر حبي فيه". وأضاف: "لما ابتديت امثل كان من امنيات حياتي إني اشتغل معاه.. ومن اكتر المرات اللي فرحت فيها لما هو اللي اخترني بنفسة علشان أعمل دور أخوه الصغير في مسلسل خطوط حمرا اللي مازال من اكتر الأدوار اللي بحبها وفرقت معايا في شغلي علشان خاطر وقفت قدام احمد السقا". وتابع: "انا بحبك اوي يا سقا ومبروك النجاح العظيم لفيلمك الجديد ومن نجاح لنجاح دايماً يا حبيبي".