كريم شحاتة: «أبو تريكة» لا يجوز مهاجمته ويجب تكريمه فى مصر

أعرب الإعلامى كريم حسن شحاتة، عن استيائه الشديد من تجاهل المسئولين فى مصر للأسطورة الكروية محمد أبو تريكة، نجم مصر والأهلى السابق، فى الوقت الذى يتم تكريمه من الاتحاد الدولى لكرة القدم، واعتباره اللاعب رقم 19 على العالم تأثيراً على الساحرة المستديرة، برفقة الأساطير "بيليه ومارادونا".
وقال كريم شحاتة، خلال تقديم برنامجه "كورة كل يوم" عبر شاشة "النهار اليوم": "أبو تريكة عمل كتير لمصر والأهلى، ولازم الراجل ده يتعمله حاجة كويسه فى بلده، ولازم نستفيد بالأساطير دى، وفى ناس هجاصة بتقول إحنا عاملنا حاجات لمصر، لكن الأساطير معروفة زى الخطيب، والجوهرى، أوبو تريكة، وعصام الحضرى، وأحمد حسن، وحسام حسن، وائل جمعة، حازم إمام، وغيرهم كتير تعبوا علشان البلد".
وأضاف: "اللى مزعلنى إن الفترة الماضية، لقيت ناس طالعة فى برامج تهاجم أبو تريكة..يا جماعة الراجل دهش ما ينفعش يتهاجم، وبعيد عن السياسة، فى ناس عملت حاجات كتير أوى لمصر..ويمكن الشعب مش بينسى الناس دى، لكن الحكومة والمسئولين بينسوا الناس دى بسهولة..ومبروك لأبو تريكة على التكريم، ومبروك لمصر على أبو تريكة".