ساخرون من تصريحات وزير التخطيط : يعني هنتأهل لكأس العالم مثلا في 2030 عشان نبقى سعداء

أثارت تصريحات وزير التخطيط بشأن استعداد الحكومة لأن تصبح مصر من أسعد 30 دولة فى العالم فى توقيت زمنى أقصاه 2030، سخرية نشطاء مواقع التواصل الاجتماعي، وقاموا بالتعليق عليها من خلال العديد من الكوميكات الساخرة .
وجاء نص كلمة أشرف العربي، خلال ندوة نادى روتارى 6 أكتوبر مساء أمس الثلاثاء: "أبشروا بعد هذا التخطيط والتنظيم الإدارى الذى نعمل به الآن ليس من المستحيل أن تكون مصر من أسعد 30 دولة فى العالم فى عام 2030".
ورصدت شبكة الإعلام العربية " محيط " العديد من تعليقات :
تهاني صلاح علقت قائلة " خلاص هانت .. كلها 15 سنه وهنفرح " .
مهدي وليام سخر قائلا " ممكن متعملوش حسابى عشان انا نوى اتفش من البلد دي أو أغير الجنسية " .
ملاك صلاح الدين علقت من خلال موقف حدث لجحا مع الحاكم عندما طلب منه الأخير أن يعلم حماره الكلام، قائلة : الحاكم لجحا (عايز اعلم حماري الكلام)، جحا قاله (حاضر اديني وقت اعلمه فيه) ،قاله اد ايه وقت قاله 10سنين بشرط خلال 10 سنين اكل علي نفقه الحاكم انا وعيلتي ) ،فالحاكم وافق وبعد ماخد الحمار وروح، ابنه ومرأته سألوه، ازاي حتقدر تعلم الحمار لو انت ما عملتش اللي طلبه منك، حيقطع رقبتك، قلهم دول 10سنين .. يعني أكيد حد فينا احنا التلاته حيموت يا أنا يا الحمار ياالحاكم " .
منه قالت مازحة " هيكون بقا عندي 34 سنة، يلا الحمد لله مش هكون عجزت اوي " .
أحمد عيد أيضا قال " هيكون عندي 31 سنة، إن شاء الله .. يعني هلحق أعيش شوية سعداء " .
إبراهيم فهيم قال " قول ياباسط تلاقيها هاسط " .
محمد حمدي قال متحسر على جيل التسعينات والثمنينات قائلا " هيكونو كده قضوا على جيل التسعينات والثمانينيات بالكامل، يلا ملهمش نصيب " .
هيثم محمد طرح سؤال للوزير قائلا " طيب وحضرتك بالنسبه للخمناشر سنه دول ايه ظروفهم ؟ " .
أحمد علق مستشهدا بفرنسا قائلا " عادي يا جدعان فرنسا نهضت بعد عشر سنين من الثورة انما احنا هننهض بعد 29 سنة من الثورة".
سارة محمد قالت متسائلة " بس ياترى هو في حد من الشعب هيكون موجود علشان يشوف الحدث العظيم ده" .
يمنى الهواري " احنا المصريين لو فرحنا نتحرق " .
عبد العظيم تعجب من تحديد هذا التوقيت قائلا " واشمعنى يعني 2030 .. ايه هنتأهل لكأس العالم مثلاً " .