رباعيات جحا (1)

سألوا جُحا عن سر حكمتهُ
قال أدى الله وأدى حكمتهُ
يجعل بصير طريقهُ مِضَلِم
وينَوَر للكفيف قلبهُ وسكتهُ
.........................
طِلع لجُحا ف منامهُ جِنِيه
قالتلهُ شُبيك إتمنى اُمنيه
قالها يا حِلوه لو تقدرى
رَجَعى بلدى من تانى ليا
.........................
عايرو جُحا على عُكازهُ وحمارهُ العويل
قالهم عُكازى مِسكهُ نَبى بنى اسرائيل
وحمارى اتحدى اللى فيكُم يقدر يركبو
اصلهُ أصيل ما يركب ضهرُه إلا الأصيل
.........................
يا جُحا إِلحق غار الِعدا عالدار
قال واية يعنى سايب هناك جار
وإن عرفوا يدخلوا غصب عنه
ما هيتمكنوا أبدا من الفرار
.........................
أنا جحا عايش بلا دار بلا خوف
ما أملك سوى حمارى الفيلسوف
إن يوم صحيت ما شفتش ضحكتى
أرجع لحلمى هناك أكيد.. هشوف