سألوا جُحا عن سر حكمتهُ قال أدى الله وأدى حكمتهُ يجعل بصير طريقهُ مِضَلِم وينَوَر للكفيف قلبهُ وسكتهُ ......................... طِلع لجُحا ف منامهُ جِنِية قالتلهُ شُبيك إتمنى أمنية قالها يا حِلوة لو تقدرى رَجَعى بلدى من تانى ليا ......................... عايرو جُحا على عُكازهُ وحمارهُ العويل قالهم عُكازى مِسكهُ نَبى بنى إسرائيل وحمارى أتحدى إللى فيكُم يقدر يركبو أصلهُ أصيل ما يركب ضهرُه إلا الأصيل ......................... يا جُحا إِلحق غار الِعدا عالدار قال وإية يعنى سايب هناك جار وإن عرفوا يدخلوا غصب عنه ما هيتمكنوا أبدا من الفرار ......................... أنا جحا عايش بلا دار بلا خوف ما املك سوى حمارى الفيلسوف إن يوم صحيت ما شفتش ضحكتى أرجع لحلمى هناك أكيد. . هشوف