ليه ما يصحش؟!

جملة من المفاهيم الغير سليمة اصبح المجتمع يتشدق بها ويتغنى .. تقليدية .. رتيبة .. مملة لا اجد لها وصفا!.
_ متعيطش انت راجل ... مش فاهمه ازاى يعنى... البكاء ده شعور إنسانى لا ينتقص من قوة ورجولة الرجل بالعكس فهو يزيدها فى بعض المواقف.
_ البنت مكسورة الجناح ... لا على فكرة... أساسا البنت ملهاش جناح علشان يتكسر .
_ الراجل ميعيبوش غير جيبه... بالعكس جيبه ده آخر حاجة ممكن تعيبه، الراجل يعيبه أخلاقه وتربيته وطريقة كلامه وفكره وقلة شهامته.
_ ربنا يحمينا من العين وربنا يبعد عنين الناس عننا وما إلى ذلك من الجمل... فى فعلا حاجه اسمها حسد بس مش لدرجة إن الواحد لو عطس يبقا محسود مش للدرجة دى .
_ أنا راجل أعمل اللى أعمله لكن انت بنت.... عند ربنا مفيش ذنب للرجال يختلف عن ذنب النساء الاتنين واحد يعنى غلط الرجل ليس له عقوبه مخفف' كونه رجل الاتنين وااااحد افهموها بقى.
_ ميصحش أركب مرجيحه فى السن ده أو ميصحش ألبس اللون ده فى السن ده أو ميصحش أمسك بالونه فى الشارع أو من الاخر كده ميصحش أعمل حاجه عاديه مش عيب ولا حرام لمجرد ان المجتمع رافضها معرفش ليه..
إيه المشكله لو واحدة كبيرة فى السن ولبست لبس محتشم جداا وشيك وموضة سنها لكن لونه أحمر أو أصفر ؟!!! إيه اللى ميصحش بالظبط فى كده؟!!! ...
إيه الفكره فى إننا بنفكر فى الحاجة اللى متصحش ومنعملهاش مع انها عاديه جدااا ومفيهاش غلط ومع ذلك مش بنفكر بنفس الدرجه فى الغلط والحرام؟!!!
_ يعنى هى جت عليا مالناس كلها كده...
اه على فكره جت عليك، ماهو لو كل واحد قال الكلمتين دول يبقا محدش حيعمل حاجه وحنفضل طول عمرنا نشتكى... إبدأ بنفسك وملكش دعوه بغيرك.
دعوة لتغيير الفكر العقيم