لماذا يحب الرجل فتيات الهوى

السلام عليكم .. أنا متجوزة من حوالي 3 سنين عندي مشاكل كتير مع جوزي و للاسف جوزي اخلاقيا مش تمام و ليه ماضي اسود و الحاضر أكتر سواد بعد خيانته بقيت بستعمل اسلوب جديد اني مش بديله كل حاجة زي زمان مش بتكلم ولا بعاتب بقيت باردة زيه لاقسى درجة تتخيلوها
بيجي صحيح على اعصابي بس احسن من حرقة دمي في الصريخ و الزعيق , جوزي العظيم .. ودي تريقة طبعا مدمن أفلام إباحية هوة ملوش في النت ولا البطيخ لاكن بيتفرج على التلفزيون و ده لاننا النت شغال على التلفزيون .. يعني يقدر يشوف اي حاجة في الكون و لصدمتي في تقريبا مش اقل من 500 قناة بتعرض افلام برونو متواصل 24 ساعة في اليوم
اول مرة عرفت هو اللي قالي !! محدش يستغرب .. ايوة هوة اللي قال لي
اتفرجي معايا دي ثقافة , اتصدمت و كنت هتشل في مكاني و قلتله ايه القرف ده انا بقرف و عيب و حرام و الكلام ده طبعا كنت متاكدة كلامي اتبخر و عادي جدا جوزي مش بيفرق معاه الاساليب دي جينا تاني مرة و كان الفالنتاين و بعد خناقة كبيرة بينا و انا قاعدة معاه جاب القنوات دي و قال نتفرج على اساس اني كنت رايقة قال يستغل روقاني مرضتش انكد عليه و اديته حقه الزوجي و قفلت التلفزيون انه خليك معايا انا و سيبك من القرف ده .. قلت يمكن يحس , جه عادها مرة تانيه يومها قلتله مش هتلمسني و طالما مش مالية عينك اتفرج و كمل لوحدك ما انت كده كده شايل ذنب و فعلا مشيت و سبته و هو واخد الموضوع ببساطة و انه عادي ده ثقافة و يقولي كده مش هتخليني اكون على راحتي معاكي .. بدأ مخي يشتغل اني اشوف حل الكلام بالطيب و الدلع منفعش جربته مرة و قفلت التلفزيون من سكات و اني حلالك و سيبك من كده بس مفيش اني ارفضه و اتخانق بردو مفيش نتيجة بعد اخر خناقة جينا مرة خرب الريسيرفر و راح برمجه لقيت اول حاجة فتح يشيك عليها هي القنوات دي انا كنت في الغرفة و كنت مراهنة نفسي هيعمل كده لقيت قفل الصوت و بيبص بسرعة طلعتله و انا بضحك قلتله تعرف ايه اكتر حاجة بتخلي الست تكره الراجل اللي معاها انها تحسه عبد شهوته يعني زيه زي الحيوان .. انت قليت كتير في نظري و رجولتك ناقصة قدامي و يمكن عندك حاجة مرضية او نفسية لانك مش بتقدر تبقى عايز كده الا بالحاجات دي طبعا هو جسمانيا سليم و كل حاجة بس انا كان لازم اقوله كده
و قلتله لو بتتفرج و عايز تستعملني انا كاداة تفرغ طاقتك فانا بقولك كمل مع نفسك احسن
أنا بقيت اصلا بقرف لما تقرب مني حاول ياخد الموضوع بدحك ووشه قلب الوان و جوايا بقيت بفهم سر الطلبات و الحاجات الغريبة اللي كان بيطلبها و بقيت بفهم انه ليه اوقات كان ممكن يتنرفز لو مش بعرف حاجة معينة
و حاجات كتيرة جت في دماغي .. بقيت بقرا في معاملة الازواج هنا كتير انه ازاي مفروض اتعامل معاه
و قريت كتاب لكاتبة اجنبية المهم الكتاب اسمه ( لماذا يحب الرجل فتيات الهوى) و فهمت حاجات كتير و فهمت ليه الراجل ممكن يمل من مراته و فهمت ان الست لما جوزها يحسها بتطلب الموضوع ده عشان تثبت لنفسها انه بيحبها و انها مرغوبة هو بيمل منها و عملت كده فعلا بقيت زي ما كان بياخد حقه الزوجي كامل و بعدها يلف وشه و ينام ويسبني لوحدي بقيت بعمل زيه كل مرة كان بيحسسني اني اداة بيستعملها لتفريغ طاقته بقيت بعمل زيه بقيت بحسسه اني بعمل كده عشان نفسي عشان هو حلالي و ده حقي مش بس عشانه هو
بقيت بطلب زيه مع اني بتكسف جدا و اقوله لا بلاش كذا او ده اوك بقيت بشوف نفسي حلوة لان جوزي بيحاول يحسسني اني مش حلوة مع اني مقبولة الحمدلله بس هو خايف اتغر عليه لانه اول مرة شافني كان عايز يكلمني بس عشان شكلي و لما مقدرش يوصلي و فهمني و شاف شخصيتي عرف ان مفيش طريق قدامه الا الحلال و اخيرا عملت زيه خليته راجع من برة و قعدت قلبت الدنيا عالقنوات دي , المصيبة مكنتش عمري بركز بيجيبها ازاي
و اقلب لحد ما شفت قناة منهم رحت قافلة التلفزيون و اول ما دخل من باب الشقة شغلته و عملت نفسي بتفرج
وانا و لا حتى التفت على القرف ده لان ببساطة استحالة اشيل نفسي ذنب عشان اي حد ولا حتى جوزي اتصدم
فضل يبصلي بإستغراب و قلتله اني عايزة العلاقة الزوجية دلوقتي لان اللي شفته خلاني عايزة كده
كان هيتشل في مكانه .. ازاي انتي تشوفي كده ازاي راجل غيري تشوفي جسمه
ازاي و ازاي و ازاي و ازاي .. فرديت رده علية زمان قلتله ثقافة عشان اعجبك و عشان لو مرة محبتش اللي انت بتعمله معايا اغمض و اتخيل غيرك و اوصل للي انا عايزاه مش انت بتعمل كده؟
ولا هو حلال عليك و حرام عليا انا كان هيغمى عليه كنت عايزاه يحس وجعي و قهرتي و حرقة قلبي
قلتله بقيت زيهم قليلة الادب ايه رايك فيا دلوقتي ؟ من يومها صحيح هو خايف مني و قلقان و باه بيشك فيا بطريقة مش طبيعية بس عالاقل باه بيحترم وجودي بيحترم صلاتي في البيت ومن حقي ميكنش في نجاسة
لما الادان بيادن باه يسالني مش هتقومي تصلي ؟ قلتله اشمعنى اول مرة تسال قالي عشان ربنا يهديكي
انا مش عايزك تتغيري , قلتله انت اللي غيرتني و فعلا هو غيرني بس للاحسن .. لان ببساطة من اول ما اتجوزت عرفت قد ايه حلو الانسان يقرب من ربنا بقيت لما تحصلي مشكلة اجري على سجادة الصلاة و اقول يارب من قلبي
بقيت بدعي و انا متاكدة من الاجابة بقيت واثقة اني مش لوحدي و ربنا رحيم بيا
و غير شخصيتي كتير يمكن بقيت عصبية زيادة يمكن بقيت مشدودة طول الوقت بس اتعلمت اني مسبش حقي ولا اتهاون في حق نفسي تاني ابدا و لو يرجع بيا الزمن لورا كنت غيرت حاجات كتيرة في حياتي
فالاخر نصيحة لاخواتي من ترضون دينه .. اوعي تتغري بالشكل و لا المظاهر ولا الحب و لا كل ده
الاهم الدين ..صدقوني انا عملت المستحيل عشان اغير جوزي بس للاسف هو لسه بعيد اوي عن ربنا
والله لو كان بس بيتقي ربنا لكان زماني عايشة في جنة عشان كده اخواتي اختارو صح و اختارو اللي يعرف ربنا و خلو اهلكم يتصرفوا .. بلاش التضحيات و التنازلات اللي بنعملها دي الراجل مش بيقدر كل ده و اللي يشتريكي بالدهب مش هيبيعك برخيص بس اللي يشتريكي بتراب هيبيعك ببلاش و على فكرة انا معرفش اللي عملته ده صح ولا غلط بس انا جربت كل الطرق و قلت اخر طريقة قدامي انه يدوق من نفس الكاس الل بيشربني منه
و اسفة لو موضوعي جرئ بس دي مشكلة شفتها عند بنات كتير و انا منهم ومعنديش حاجة اتكسف منها عشان اخبي وشي.
س . س
فضفضة
أثابك الله على نصيحتك .. صديقتي العزيزة رسالتك بكل تفاصيلها كانت أبلغ من أي رد .. وأدعوا الله أن يهديكي وزوجك ولا يُضلكما أبدا عن الصواب .. هداك الله وأرضاك .