أيمن بهجت قمر: بكيت من قلبي على سلطان لما اشتكى من إهمال النقابات الحكومية له

أعرب الشاعر الغنائى أيمن بهجت قمر، عن حزنه الشديد لوفاة المنولوجست الشهير حمادة سلطان، والذى وافته المنية صباح اليوم؛ حيث كتب على صفحته الشخصية بموقع التواصل الاجتماعي "فيس بوك" أنه بكى من قلبه عندما شاهد لقاء الراحل صباحًا على إحدى القنوات الفضائية وهو يشتكى من النقابات الحكومية التي أهملت دورها في رعايته وعلاجه.
وقال بهجت قمر: "بكيت من قلبي لما شفت اللقاء ده الصبح بعد ماعرفت ان الفنان حماده سلطان توفي، بكيت لما لقيته بيشتكي من ان النقابات الحكوميه اهملت دورها والاهتمام برعايته وعلاجه.. يا مسؤولين ساعدونا نطبق القوانين وإلزموا القنوات والأماكن العامه تدفع حقوق الآداء العلني لكافة المبدعين بدل مايكبروا ويتعبوا كده واحنا نقدر من خلال خبرتنا اللي اكتسبناها من شركتنا اللي أسسها تلاميذهم من المبدعين نساعد في وضع نظام مبتكر يدي لكل مبدعين الفن حقوقهم من خلال طرق سهله ومبالغ زهيده لما تتجمع هتسترهم.. كفايه بقى نصابين عمالين يتدعوا انهم بيحافظوا على الحقوق وهما عايمين ف بحر العمولات والبدل لزوم التلميع الإعلامي اللي بيكمل نقص الشهره والموهبه اللي عندهم عايزين نوايا صافيه بجد".
تابه قمر: "يا حكومه مش عايزين منك حاجه مش عايزين فلوس منك عايزين بس تطبيق للقوانين، حسبي الله ونعم الوكيل والله يرحم حماده سلطان اللي بقدر ما ضحكنا ف حياته بكانا ف وفاته".