بكاء أيمن بهجت قمر على ما حدث «لحمادة سلطان» قبل رحيله

اعلن الفنان أيمن بهجت قمر عن حزنه وغضبه من إهمال النقابات الفنية في علاج الفنانين وطالب بتضامن الدولة عن طريق تطبيق القوانين لحماية الحقوق الخاصة بالمبدعين .
وكتب ايمن على صفحته : بكيت من قلبي لما شفت اللقاء ده الصبح بعد ماعرفت ان الفنان حماده سلطان توفي .
بكيت لما لقيته بيشتكي من ان النقابات الحكوميه اهملت دورها والإهتمام برعايته وعلاجه .
يا مسؤولين ساعدونا نطبق القوانين وإلزموا القنوات والأماكن العامه تدفع حقوق الآداء العلني لكافة المبدعين بدل مايكبروا ويتعبوا كده واحنا نقدر من خلال خبرتنا اللي اكتسبناها من شركتنا اللي أسسها تلاميذهم من المبدعين نساعد في وضع نظام مبتكر يدي لكل مبدعين الفن حقوقهم من خلال طرق سهله ومبالغ زهيده لما تتجمع هتسترهم .
كفايه بقى نصابين عمالين يتدعوا انهم بيحافظوا على الحقوق وهما عايمين ف بحر العمولات والبدل لزوم التلميع الإعلامي اللي بيكمل نقص الشهره والموهبه اللي عندهم عايزين نوايا صافيه بجد .
يا حكومه مش عايزين منك حاجه مش عايزين فلوس منك عايزين بس تطبيق للقوانين.
حسبي الله ونعم الوكيل والله يرحم حماده سلطان اللي بقدر ما ضحكنا ف حياته بكانا ف وفاته.