حكايه بنت

حكايه بنت

* أمل

اسمع ياغاوي الحكاوي حكايه بنت صغنونه اسمها توته علي ضهرها نازله ضفيرها
ويا اصحابها ادام بيتها بتلعب الاولى اسماء وهناء دول اصحابها
تتعب تجري في حضن ماما لازم تنام اومال ايه ماهي حببتها
تصحي الصبح تشب تنط تجيب شنتطتها فيها كراسها ويا اقلامها
بسم الله ودي دائما اول كلمه في صفحتها
تكبر توتة والبنوتة زي ما هيا علي ضهرها نازلة ضفيرها
والايام بتلف تلف وتبقي توته شابه جميله
عيونها زي مابيقولوا كحيله ولا الشعر بلون الليل
وقوامها سبحان الخالق كل اللي يشوفها بيحسدها
ويقول ايه ياسلام ياسلام تبارك الخالق الرحمن
عندها قلب بلون الزرع اخضر نادي يحب الناس
وتوته ايه بنت طموحه نفسها تثبت نفسها
طول عمرها تقولك ايه ان البنت باخلاقها وعلمها
امال ايه زي ما زمان ماما قالتلها
كانت دنيتها بابا وماما يعني يادوب علي قدها
كان في دنيا تانيه متعرفهاش وقسوة الناس مشفتهاش
مسكينه ياتوته الدنيا فكت ضفيرها
وشويه شويه بقت البنوته في قسوة الناس
والقلب الاخضر مبقاش واتغرت كمان بنفسها
مهما دايما يقولولها في جمالها مفيش زيها
مسكينه ياتوته الدنيا فكت ضفيرها
تروح تنام مبتقدرتش معذورة ياناس تعمل ايه
صوت من جواها بيندهلها ويقول ليها يلا ارجعي
زهقت توته من نفسها مهو مش طبعها
لسه شويه خضار في قلبها شايله توكتها في شنطتها
نفسها تاني تضفر شعرها

** مصر