إشراقة الصباح

أنا نفسى أقول حاجات كتير بس القلم عليا بخيل
دي في وصفها ملهاش مثيل
إشراقة صبح فى وسط ليل
حب وحنان وخلق ودين
أخت غالية بهمة عالية
أنا بحس بأنها أم لكل المسلمين
شايلة دايما همهم وكتير بتبكي من أجلهم
وتقول يارب دايما فرج كربي وكربهم
فى حضنها حنان الأم لما تسلم عليها وتضم
وفي لمسة إيديها طفولة وبراءة ماهيش معقولة
بكلامها دايما برتاح ولوعندك هم بينزاح
ولو شكيت فى يوم من الأيام تقولي ده ياما كان وكان وكان
بس ما تفكرش فى غير إن ربك شايلك خير
دايما حامدة ربها وإحنا نتمنى نكون بس فى يوم زيها