ضاع القمر يابن عمى ضاع القمر يابن عمى * * إوعى تفضحنى و بدال ما تحرق فى دمى * * بكلمة رَيَّحْى بلاش تزوِّد فى هَمى * * و تلوم وتنصحنى ما هُوَّا راخر كأنه * * فص ملح و باش هَدِّى المسائل عازِّنُه * * زهرة الخشخاش و ياما أقمار ف سِنه * * تاهت و مالقينهاش باقول كلام كله علمى * * و ده اللى نَجَّحنى ضاع القمر يابن عمى * * إوعى تفضحنى ماتقولشى عيب ف التحكم * * يحكم عليك ظالم أو مسمارين منه فَكُّم * * و الأمر موش سالم ولا من سبيل التهكم * * هوِّ البعيد عالم ؟ قول وَعْدْ مكتوب و حَتمى * * قادر يفَّرَّحنى يرجع نضيف مِستحَمى * * و ساعتها تمدحنى حاطِط فى نفسك و شايل * * رَغَّب و لا ترهَّب شجعنى دايما أحاول * * و آدينا بنجرَّب و جاى دور المُفاعل * * و لما حايسَّرب حاتخترع إيه يا غمى ؟ * * تشنقنى , تدبَحنى ؟ ضاع القمر يابن عمى * * وراه و سَرَّحنى يمكن لَقَط له إشارة * * من جار نَحَل وبره وعشان ماهيش أى جارة * * جابت أوام خبره لو كان فى عشرين مغارة * * حاتجيبه من شعره وتقول دا مجنون و رسمى * * كان ناوى يلمحنى فين القمر يابن عمى * * قول و صَحصَحنى إن كان فى سن المعاش * * أو لسة فى الخدمة بس إضمنولى إنه عاش * * وانا باردو ف الخدمة فى غضون سنين لو ماجاش * * من غير ولا كدمة حاشِّد تُك تُك واسَّمى * * و ارجع لكم محنى واروح بشحمى و لحمى * * و الشمس تلفحنى وادخل مدار الدياب * * و الجِديِّ , وإديله وأشق كل السحاب * * وأجيبه من ديله و نشوفه بعد غياب * * و أكيد نِغَنى له يامَّا القمر عالبالب * * نوَّر قناديله مانا كنت ساكت ياعمى * * ليه بتفتحنى عالقهوة م العصر مَرمى * * و الصبر كَسَّحنى ضاع القمر واللا حلمى * * و اللا الغُنى ف لحنى غاب القمر يابن عمى * * ياللا روَّحَّنى مع وافر التقدير و الإحترام للسيدة شادية و الشاعر مجدى نجيب حسن العربى ألمانيا - شتوتجارت