رسالة إلى الوالي الحاكم بأمر الله

إلى الحاكم بأمره وولى الأمر فينا
محدش بيامره احنا بس اشتكينا
بنقوله حس بينا او حتى اعطف عليا
إحنا الغلابة وانت رئيس مجلس مدينة
صحيح احنا خلاص انتخبنا وبقيت ريس يقودنا
إحنا اختارنا ايوه ودة سبب سكوتنا
يا مولانا الأمير خليك انت الكبير
ارحم دم الغلابة وقرش الفقير
وشوف الإيد قصيرة وانت عيونك بصيرة
من الفقر خلاص زهقنا وعشتينا بقيت نيله
حنعمل إيه قول انت: نتوكس
ولا نعمل مظاهرة ويا خدونا ونتحبس
ولا نكتم شعورنا نطق ونتفرس
يا أيها اللى قاعد تحت التكييف ...... بيه
بنفكرك بصوتنا اللي يوم ها تحتاج إليه
شى هتوصل إلا بيه يبقى كتير علينا
يجرى لنا اللى احنا فيه
ونكمل الكلام على ارض مصر السلام
وبكلمك بالمحبة استحملنى يا سيدي حبه
وعلى رأي الغنوة اللى مش عارفة مغنيها
حبه حبه ادينى حبة محبة اقدر أكمل بيها