نازل علشان الشيخ عفت ومينا دنيال وعاطف الجوهرى ومحمد جمال نازل علشان الحسينى ابو ضيف اخر صاحبك عندك يا وطن نازل علشان اجيب حق الشهيد ووطن للاحرار مش للعبيد نازل علشان كل مصري نازل علشان انا مصرى لسه المصري عايش فلمقابر لسه بياكل من الزباله لسه في اب مشلاقى مستشفى يعالج فيها ابنه لسه في مرضه بتنام على الارض فلمستشفيات نازل ليه عندنا رئيس بيصلى اه عندنا رئيس بيصلى بس بيصوروه وهو بيصلى وانا بدفع تمن الصور نازل علشان موكب رئيسا فيه 35 عربيه والناس بتجرى ورا الاتوبيس ولما بتركب الاتوبيس بيخبطه قطر ويموت فيه 51 طفل نازل علشان عندنا رئيس حمايته وامنه بيكلفنا ملايين والناس بتضرب وبتموت وبتتسرق وتتهدد فى الشارع نازل بس مش ذي منزلت قبل كده قبل كده نزلت علشان اجيب وطن اعيش فيه انا وولادى لكن المره ده نازل علشان خايف على وطنى وعلى ولادى نازل يا مصر وعلمك فايدى حرفعوا لفوق لفوق يمكن يا شعب تصحى تفوق ياروح جنب صحبي وتقولوا شهيد وتحضنى ارضك ترابك يا بلدى واعيش فيكى حر واسيب العبيد الله اكبر ...............الله اكبر المجدللشهداء ..النصر للثوره نازل يا مصر ...نازل يا مصر