حديث المدينة

مفيد فوزى: قالوا لى انتوا ما تصوروش الا الهاى لايف نص كلام الجواب بيقول تعالوا شفونا تعالوا عيشوا معانا تعالوا عيشوا وسط الدبان ووسط القمامة وسط الموت الحى تعالوا عيشوا الامضاء مواطن من ترب اليهود سألت ايه ترب اليهود دى قالوا لى دى عزبة اسمها عزبة النصر بعد الحرب سموها عزبة النصر وهى زى ما انتوا شايفين حضراتكوا كلها ترب يهود عزبة النصرانا ذهبت مصطحبا العدسات وكلى دهشة ورغبة وفضول ان اكتشف هذه الارض واصغى لعذابات الناس وابين للناس فى نهايه الامران احنا بالفعل بنتمنى ان ما يبتش حد مهموم لكن فرق بين التمنى والواقع المكان اللى انا واقف فيه مكان لا يرضى لا وزيرصحة ولاوزيربيئة ولا محافظ ولا رئيس حى ولا اى انسان له علاقة بالتنمياه ذهبت احمل الفضول والرغبة فى المعرفة والابحارفى حياة هؤلاء الغلابة قد عدت معى علامات الاستفهام والتعجب فى حديث المدينة
مفيد فوزى : ادينى فكرة المكان ده اسمه ايه وبقى ايه ادينى فكرة عن التاريخ بتاعة؟
مواطن : المكان ده اسمه عزبة النصر للاسف يعنى مش موجود فى مصر يعنى دى عزبة النصر بس مش موجودة فى مصر ليه لان احنا ناس هنا بنعانى من جميع المشاكل اللى انت تتخيلها
مفيد فوزى : زى ؟
مواطن : يعنى زى المجارى زى اى حاجة تتخيلها مياه كهرباء المجارى , احنا هنا بنعانى منها يعنى ان والدتى وقعت فى ترنش - 70 سنة - يعنى يا دوبك العربيات جت بتشيل لمؤاخذة زى ما هنا كلها عربيات بتيجى بتنقل فوالدتى 70 سنة مش شايفة يعنى يا دوبك الراجل بيشيل الخرطوم والدتى سقطت جوا فشلناها وطلعناها بعد 3 ساعات يعنى حالة فزع وكانت فى المستشفى ودلوقتى يعنى يعنى مش هقولك منظر يعنى المنطقة كلها هنا واولادنا وكل حاجة هنا بتعانى
مفيد فوزى : فى مستشفى فى المكان ده ؟
مواطن :لأ هنا مفيش اى مستشفى
مفيد فوزى : يعنى لو حد جرا له حاجة يروح فين؟
مواطن :لأ هنا مفيش يا مثلا القصرالعينى يا اليوم الواحد هنا فى مبالغ يعنى مستشفيات خاصة يعنى
مفيد فوزى : فى مدارس هنا؟
مواطن :مجمع المدارس هنا بس لمؤاخذة يعنى مفيش اعتنا ومفيش اى حاجة مفيش مسئولين بيروحوا هنا بيشوفوا اى حاجة ولذلك الطلبة هنا مش شايفين اى مراعاة من اى حاجة
مفيد فوزى :هنا المكان ده على بعد اد ايه من القاهرة ؟
مواطن : يعنى تقريبا يعنى بتاع تقدر تقول 30 كيلو
مفيد فوزى : 30 كيلو من القاهرة ؟
مواطن : اه 30 كيلو من القاهرة
مفيد فوزى : تبع محافظة ايه ؟
مواطن : هى محافظة القاهرة - البساتين يعنى احنا قبل انتهاء محافظة حلوانه
مفيد فوزى : يعنى انتوا تبع حلوان ولا تبع القاهرة ؟
مواطن : احنا تبع محافظة القاهرة
مفيد فوزى : مين رئيس الحى بتاع المكان ده ؟
مواطن : والله هو لسة مش واخد بالى يعنى هو لسة جديد
مفيد فوزى : مجاش المكان ده قبل كده ؟
مواطن : والله احنا ما بنشفش اى حد لو هيجى المكان ده حضرتك مش هتشوف المناظر اللى انت هتشوفها
مفيد فوزى : طب الزبالة اللى انا شايفها دى انتوا فرحانين بيها ؟
مواطن : احنا كلنا هنا بنعانى وعندنا اطفال صغيرة وكل حاجة يعنى مش هقولك
مفيد فوزى : ما بتحولوش تشيلوها ليه ؟
مواطن : والله دا ده كده انظف حاجة لوحضرتك جيبت من فترة بسيطة كنت هتلاقى هنا وساخة وزبالة ومش هشقولك يعنى هنا الناس او العربيات بتعدى فى وسط وساخة
مفيد فوزى : مفيش كناسين بيمروا هنا ؟
مواطن : مفيش حضرتك المجارى بتمر على الارض
مفيد فوزى : مفيش شركة بتاخذ الزبالة ؟
مواطن : لألألأ مفيش حضرتك لو فى شركة بتاخذ الزبالة احنا مش هنشوف المنظر ده هو ممكن بقى الزبالة والكلام دوت فوق الكوبرى لو صورت فوق الكبرى هما بيعدوا من فوق بيلموا لكن ما بنشفش الكلام ده
مفيد فوزى : مين اللى بيعدوا من فوق؟
مواطن : اللى هما الجماعة بتوع النظافة
مفيد فوزى : ما بيبصوش على اللى تحت؟
مواطن :الله اعلم ما بيشوفوش ماهو الدليل اهو يعنى مفيش فى حد هنا بيجلكوا فى الزبالة
مفيد فوزى : يعنى الناس ملهاش اى دور ؟
مواطن : يا بية دا هى لو جت على الزبالة دا احنا نقول الحمد لله
مفيد فوزى : ليه ؟
مواطن : احنا بنعانى من اقوى من كده بقولك بقولك بقولك المياه ملوثة اللى احنا بنشرب منها
مفيد فوزى : يعنى انت بتشرب فى البيت مياه ملوثة ؟
مواطن : مياه ملوثة المجارى دى
مفيد فوزى : نازلة من الحنفية ؟
مواطن : ماهى نازلة من الحنفية سواعى بيبقى الصرف ده كمان بيبقى مختلط معاها مع المياه لان هنا موصلين توصيل يعنى
مفيد فوزى :الكلام اللى انت بتقولة ده انت بتقرا الجرائد وبتنقل من كلام الجرائد والا انت كبنى ادم ايضا بتشرب مياه لما بتيجى تشرب مياه الكوبايه بتاعتك بتبقى شكل المياه فيها ملوث؟
مواطن :والله المياه بيبقى لونها صفراء يعنى انا بقولك الكلام ده واهل العزبة
مفيد فوزى : تبشرب مياه منين من الحنفية مش مياه معدنية من الحنفية وجميع الاهالى هنا بتشرب من الحنفية
مفيد فوزى :ايه اللى عايزة تقوليه ؟
مواطنة :بقول لحضرتك بتوع المجارى لما جم يدخلوا المجارة حضرتك عاملين البيارات نفسها على المجارى العمومياه يعنى عاملين البيارات نفسها ا لكبيرة على المياه العموميه نفسها فجينا اشتكيناعلشان كده فا مفيش حد ولا اى مسئول
مفيد فوزى : امتى اتحفرت ؟
مواطنة :ده حضرتك بقالنا سنة ونص بقللنا سنة نص بنعانى وحتى ترنشاتنا حتى بتوع الكسح مش راضيين يكسحوا لنا بقينا نشيل المياه مش عارفين ندلقها فين مياه الكسح نفسها
مفيد فوزى : وو يعنى رمتوها فين ؟
مواطنة :احنا بنرميها فى الشارع صراحةحنا دلوقتى مياه الكسح بنرميها المال هنرميها فين يعنى بنسيبها بوتنا كلها عيمة كلها وهوريها لحضرتك دلوقتى البيوت بتعتنا كلها مليانة مياه ترنشات وبتوع المجارى خدوا ترنشاتنا وكما بقت تيجى المياه على المياه الحلوة المياه اللى مش نظيفة على المياه الحلوة ومحاضر الكهرباء على فكرة فى العمارة بردوا ورئيس الحى
مفيد فوزى : ايه الكهرباء دى؟
مواطنة :يعنى حضرتك الكهرباء سرقة
مفيد فوزى : سرقة ازاى؟
مواطنة :يعنى وخير يعنى ما الحكومة تعرف
مفيد فوزى : منكم فيكم ؟
مواطنة :اه
مفيد فوزى : من غير يعنى ما الحكومة تعرف ؟
مواطنة :اه الاهالى بس دفعين فلوس للكهرباء لشركة الكهرباء
مفيد فوزى : امال بيسرقوا ليه الكهرباء ؟
مواطنة :طب ما هما وقفينها حضرتك وقفينها
مفيد فوزى : فبيضطروا يسرقوا الكهرباء ؟
مواطنة :اه طب ما هنعمل ايه احنا عايشين ميتين اصلا
مفيد فوزى : بيشدوا سلك ؟
مواطنة :اه اه اه بيشدوا سلك طب دفعين فلوسها طب دفعين فلوسها طب وقفينها ليه
مفيد فوزى : شكيتوا ؟
مواطنة :اشتكينا
مفيد فوزى : لمين ؟
مواطنة :رحنا ادارة الكهرباء رحنا لرئيس الحى محدش بيعمل حاجة
مفيد فوزى : بيقولوا لكم ايه ؟
مواطنة :واقفة
مفيد فوزى : ايه اللى واقفة ؟
مواطنة : الكهرباء واقفة اى مصلحة مياه كهرباء اى حاجة واقفة 00 كل حاجة واقفة
مواطنة :عاملين تحليقة بالتراب علشان المياه ما تخشش الاوض ده برضى ربنا وبقلنا دلوقتى من السنة اللى فاتت من 9/ 2009 لحد دلوقتى قالوا لك شهر 6 هتخلص ما خلصتش
مفيد فوزى : ايه المشكله فى المكان ده ؟
مواطن : حضرتك المشكله عندنا فى المنطقة دى المجارى والكهرباء
مفيد فوزى : عمرها اد ايه المجارى دى ؟
مواطن : لأ عمرها كثير حوالى 20 - 25 سنة
مفيد فوزى : طب لما الدولة بتقول انها هتحاول تصلح المجارى دى عشان خاطر فى عشوائيات هو المنطقة دى تعتبر نفسها عشوائية ؟
مواطن : هى كانت عشوائيات بس دلوقتى بقت منطقة ثابتة
مفيد فوزى : منطقة ؟
مواطن : ثابتة
مفيد فوزى : ثابتة مش عشوائية ؟
مواطن : لأ
مفيد فوزى : ايه القضية الثانية ؟
مواطن : الكهرباء الكهرباء كلها سرقة
مفيد فوزى : عشان كده بيسرقوا الكهرباء من بعض ؟
مواطن : لأ بيسرقوا من الحكومة مش من بعض
مفيد فوزى : اه من الحكومة .
مواطن : اه
مفيد فوزى : يعنى يشدوا سلك ويسرقوها ؟
مواطن : تيجى الحكومة تعمل محاضر
مفيد فوزى : اه .
مواطن : لكل شقة او لكل بيت 100 جنية 200 جنية
مفيد فوزى : غرامة مخالفات ؟
مواطن : مخالفات
مفيد فوزى : وبيدفعوها ؟
مواطن : بيدفعوها
مفيد فوزى : على اساس ان يبقى فى النهايه عندكوا كهرباء ؟
مواطن : الى بيسرقوها بيدفعوها
مفيد فوزى : هو الناس هنا عددها اد ايه فى المنطقة دى؟
مواطن : هو العدد كبير يا افندم يعنى بيوصل مليون تقريبا
مفيد فوزى : فى ترب اليهود دى ؟
مواطن : اه
مفيد فوزى : فى ترب اليهود دى ؟
مواطن : كانت ترب يهود
مفيد فوزى : اه ده زمان اه والبيوت دى اتعملت امتى ؟
مواطن : البيوت دى اتعملت من اكثر من 40 سنة
مفيد فوزى : هل هى قوية يعنى ؟
مواطن : اه قوية وليها اساس
مفيد فوزى : بيقولى لى احيانا انها هشة وهتقع فى اى وقت .
مواطن : لأ هى قوية وليها اساس ولما جه الكوبرى يمر فى الطريق الدائرى شال بعض المتاجر وبعض البيوت عشان يعملوا عليها الكوبرى
مفيد فوزى : كنت متخيل ان وجود الكوبرى ده لما يمر يعنى يخلق عمار حواليه ؟
مواطن : وخلق فعلا
مفيد فوزى : هنا هنا العمار يعتبرهنا موت ؟
مواطن : نعم يا افندم
مفيد فوزى : ده عمار ده ؟
مواطن : هو يعتبر عمار الى حد ما ماهو مفيش غير المجارى والكهرباء والمياه
مفيد فوزى : واولادكوا بيعملوا ايه ده المنظر اللى شفتة ده فى المجارى فى البيوت ؟
مواطن : احيانا بتيجى عربيات نزح يشيلوا واحيانا ما بتجيش
مفيد فوزى : العربيات دى من البلدية ولا منين؟
مواطن : لأ الاهالى عادية عربيات عادية
مفيد فوزى : شفت شكل رئيس الحى هنا ؟
مواطن : رئيس الحى ما جاش هنا خالص
مفيد فوزى : ولاتعرف شكله ؟
مواطن : ولا اى حد جه هنا
مفيد فوزى : ولا حد من بتوع الانتخابات ؟
مواطن : فى من الانتخابات
مفيد فوزى : انت انتخبت مين ؟
مواطن : انا انتخبت اسمه حسن الصعيدى
مفيد فوزى : مجاش هنا ابدا ؟
مواطن : مرة وخلاص عادى يعنى
مفيد فوزى : ازاى يعنى بتقولى عادى ؟
مواطن : قبل الانتخابات
مفيد فوزى : بس ؟
مواطنة :عيل عندة 4 سنين فجأة لقيناة وقع فى البلاعة دى ومفيش حد شافة الا راجل معدى بتاع خردة قال فى عيل صغير نزلنا جريى وطلعناه خلصان خلصان ومش عارفين حل حضرتك دلوقتى الترنشات كلها مفتحة والعمارة دى هتقع علنيا ومحنش عارفين اى حل خالص
مفيد فوزى : دى دى دى مش بلاعة ؟
مواطنة : ترنش
مفيد فوزى : يعنى ايه ترنش ؟
مواطنة :ترنش بيستعملوة العمارة ما بينزحوهش مجرد ان جه ناس فتحتة وسبوه بالمنظر ده كده جينا اتكلمنا اتخنقوا فيها
مفيد فوزى : مين اللى اتخنقوا ؟
مواطنة : الحريم والرجالة تلعوا شرشحوا علينا
مفيد فوزى : ليه ؟
مواطنة : قلالات ذوق عشان البيئة اللى احنا عايشين ويقولوا لنا احنا ملنا ش ذهب روحوا اشتكوا للحى نروح للحى فين احنا عايزين بقى حل بقى اشتكينا وتعبنا سلفى راجل كبير اهوت البيت هيقع عليه من المياه حضرتك خش شوفة مش هيرضى المنظر خالص
مفيد فوزى : مين اللى عمل الخشب ده ؟
مواطنة : الخشب ده احنا اللى عملناة مبنى واحنا اللى عملناة سرقناه سرقناة ورحنا حطيناة هنا علشان العيال الصغيرة يعنى ايه الحل بقى يا باشا ايه الحل اللى نعملة شوف حضرتك وتعالى ادخلك عند سلفى جوة المياه مبهدلة شقتة
مفيد فوزى : وايه الدبان اللى انتوا عايشين فيه ده ؟
مواطنة :هنموت هنعمل ايه هنروح فين هى دى حاجة لمانا هنروح فين حضرتك هنروح فين احنا عايزين بس يعنى يدخلوا لنا المجارى بس ادى اللى احنا طالبينها يدخلوا لنا المجارى
مفيد فوزى : مدرسة ايه بقى ؟
مواطنة : مدرسة الشهيد محمد الدرة فى البساتين يا استاذ بيبع سمن وبيبع زبدة ويبيعوا بسكويتات فى قلب المدرسة وقلت للمدير يقول دى مدرسة انتاجية
مفيد فوزى : يعنى ايه انتاجية ؟
مواطنة : معرفش بيقولى هى مدرسة انتاجية بيبيعوا محافظ كل حاجة والمدرسة فى عيد الام باعت عصير فراولة وانا اشتكيت السنة اللى فاتت فى الادارة ومفيش فايدة
مفيد فوزى : دى اسمها محمد الدرة ؟
مواطنة : محمد الدرة السنة اللى فاتت فى الادارة ومفيش فايدة
مفيد فوزى : دى مدرسة محمد الدرة ؟
مواطنة : محمد الدرة فى البساتين هنا
مفيد فوزى : الناظر اسمه ايه ؟
مواطنة : اسمه استاذ عبد العاطى المدير
مفيد فوزى : المدير ؟
مواطنة :اه استاذ عبد العاطى
مفيد فوزى : والتلامذة انتى بتشتغلى هنا ؟
مواطنة :انا مش باشتغل انا ابنى فى المدرسة انا ابنى فى سنة ثانية فى المدرسة دى الاستاذ بيبيع محافظ بيبيع زبده بيبيع سمن
مفيد فوزى : الله جوا المدرسة .
مواطنة : جوا المدرسة
مفيد فوزى : ايه المشكله اللى فى الحتة دى.؟
مواطن : المشكله المشكله المجارى قرفانا يجوا عند حتة ويسبوها يغضبوا ويسيبوها
مفيد فوزى : الله يعنى هو الدولة بتحاول تعمل صرف صحى فى المنطقة دى ؟
مواطن : بيعموا اه بيعملوا
مفيد فوزى : بيعلموا ايه ؟
مواطن : مش يشوفوا العمومى الاول لأ بيجيبوا من الاخر هنا مقفول الشارع مقفول كل ما يجيبوا انفار يغضبوا ويسيبوها
مفيد فوزى : الانفار؟
مواطن : الناس اللى بتشتغل
مفيد فوزى : اه اه
مواطن : الناس المقاولين بيكلوهم
مفيد فوزى : اه فهمنى يعنى ايه بيكلوهم ؟
مواطن : يعنى بيكلوا عرقهم اجورهم
مفيد فوزى : اه فبيمشوا ؟
مواطن : بيمشوا
مفيد فوزى : يعنى فى حد معين مقاول بيجيب عمال يشتغلوا فى الحتة دى لما بيخدوا فلوسهم يمشوا ؟
مواطن : ايوا
مفيد فوزى : فيسيبوا المكان ؟
مواطن : زى ما هو
مفيد فوزى : بالحفر زى ماهو ؟
مواطن :عندك هناك اهو خطوة هتحصلها انت مقفول قفلوا المياه علينا خالص اتفضل شوف البيوت شكلها ايه من جوا
مفيد فوزى : طب هو المكان ده لما يبقى الصرف الصحى كده تحت الارض طب ما دا البيوت تبوش .
مواطن : ما تبوش ما البيت اللى احنا قاعدين فيه هيقع كان هيقع فعلا هتشوفة هتصورة من جوا دلوقتى هنروح فين
مفيد فوزى : عمرك ما شفت رئيس الحى ؟
مواطن : لأ ما وصلش هنا ابدا
فاصل
مواطن : اللى هو تحت كوبرى الدائرى بس المياه حضرتك عملة ازاى بس الزبالة عملة ازاى ورحنا اشتكينا
مفيد فوزى : قلتوا ايه فى الشكوى دى ؟
مواطن : يا افندم الناس تعبانة والامراض اللى هى
مفيد فوزى : مين اللى استلم الجواب؟
مواطن :رحنا مكتب المشير محمد الجويلى ذكانا ذكى الشكوى لكن لحد انهاردة بقلنا من تاريخ حضرتك
مفيد فوزى : من يوم ده مين اللى باعت الكلام ده ؟
مواطن :انا ده انا محمد مصطفى
مفيد فوزى : اه لأمين اللى باعت الجوا ب ده؟
مواطن :اللى هو محمد محمد الجويلى عضو مجلس شعب
مفيد فوزى : اه بعتة لمين ؟
مواطن :بعتة للبيئة
مفيد فوزى : للبيئة ؟
مواطن :اه
مفيد فوزى : ردوا قالوا ايه ؟
مواطن :محدش رد علينا
مفيد فوزى : امال اللى فى ايدى دى معناها ايه ؟
مواطن :ماهو معناة ان هو بيخطرهم وما مفيش حد سائل فينا حضرتك هنا الصحفى الى جة زرنا راح كاتب العنوان حى البساتين خارج اطار الزمن
مفيد فوزى : خارج اطار الزمن ؟
مواطن :اه من ايه بقالنا حوال 35 سنه مفيش حد معمرين عزبة النصر ولا عندنا كهرباء ولا عندنا مياه ولا عندنا صرف صحى والاخ شحاتة اللى هو قالك على الكوبرى احنا بنى ادمين ومصريين اثناء ما انت موجود فى المنطقة فى عربية موجودة لنزح الترنشات
مفيد فوزى : يعنى ايه اثناء ما انا موجود يعنى لما عرفوا ان انا موجود ؟
مواطن :لأ ياريت الحى بيتعاون العربية دى موجودة لاستغلال المواطنين هنا
مفيد فوزى : ازاى؟
مواطن :يعنى هنا الواحد مش عارف يصرف على عيالة اد ما بينزح الترنش فى ناس هنا بتدفع كل اسبوع 100 جنية
مفيد فوزى : عشان ؟
مواطن : علشلان ينزح الترنش بتاعة لان هما لما جم عملوا الصرف الصحى هنا معملش خطة سليمة فعمل هنا هيكل وشو فالناس هنا لما جت تستخدم الصرف الصحى المواسير اتسدت والشوارع اتبهدلت كل يوم كل يوم فى خناقات مع الاهالى واحنا قدمنا شكاوى لسيادة وزير البيئة هنا الناس مش وخدة حقها اعضاء مجلس الشعب هنا غائبين غائبين عن قضايا النا س لا بنشوفهم المفروض حتى لا فى افراح بنشوفهم فى عزا نشوفهم مش موجودين معانا واخد بال حضرتك فهنافى معاناة فا احنا هنتكلم نقول مع مين عاوزين واحد نحملة قضية اهالى عزبة النصر لان عزبة النصر بقالها سنين بتعانى والخمس دقائق اللى هقف فيهم امام كاميرة حديث المدينة مش كافيه انى اشرح قضية عزبة النصر وانما تخرج الكاميرا تشوف اول الطريق غرفة اعدام لاهالى عزبة النصر طريق الاتوستراد كل يوم بنقدم ضحية جيدة من ابناءنا من رجالنا
مفيد فوزى : السبب؟
مواطن : السبب ان احنا قلنا عاوزين مطبين مطبين عين القط استخسروا ان هما يعملوا للمنطقة دى مطبين رغم ان المنطقة ديت مرمى للى جاى من القطامياه
مفيد فوزى : هو فى الاتوستراد ممكن يتعمل مطبات ؟
مواطن : يتعمل يا باشا يتعمل لان دى منطقة سكنية
مفيد فوزى : الاتوستراد ما يتعملش فيه ابدا مطبات ؟
مواطن : دكتور مفيد يتعمل انهاردة دكتور مفيد واخد بالك شخصية غاليه عندنا لما يكون بيعدى الاتوستراد كل يوم ولابد ان احنا نحافظ عليه فدول ولادنا
مفيد فوزى : ولادكوا اغلى منى مليون مرة ؟
مواطن : ربنا يكرمك
مفيد فوزى : مش اعدى ولا ما اعديش هيعملهوى ولا ما يعملهوش انما انا بتكمل ايه السلامه بالنسبة لاولادكوا ؟
مواطن : السلامة حضرتك احنا على الاقل قلنا لو مفيش كوبرى مشاة يبقى فيه مطبات عين القطة علشان حتى العربيات وهى ماشية
مفيد فوزى :دول بيعدوا بيروحوا فين مدارسهم ولا فين قول لى الوظيفة اللى خليهم لما يعدوا؟
مواطن : هقول لحضرتك حاجة المنطقة دى اكبر منطقة بتوزع عمالة على مستوى الجمهورية
مفيد فوزى : عمالة فى ايه ؟
مواطن : فى كل جميع التخصصات فى كل جميع الحرف اللى فى المنطقة ديت هى اللى بتوزع قوة عماليه كل يوم لمستوى القاهرة
مفيد فوزى : فبيعدوا بقى ؟
مواطن : فبيعدوا من الساعة 7 صباحا لحد الساعة 9 زحام غير عادى وتم تصويرالكلام ده واخد بال حضرتك وتم الاعصام على الاتوستراد واخد بالك انما مفيش تلبية واخد بال حضرتك انهاردة دخلنا فى نشاط البيئة بسبب الاتوستراد حوادث مشاكل الصرف الصحى انهاردة يا دكتور مفيد مش اقل من 15 حالة بتصاب بامراض بسبب مصادر التلوث فانا استأذن حضرتك تتنقل باكاميرا تشوف مناظر الترانشات جوا هنا مفيش حاجة تشوف موجودو دلوقتى حاليا اضافة اضافة اضافة احنا عندنا 15 حالة يوميا بتصاب بامراض بسبب مصاد رالتلوث
مواطنة :عايزة اقول لحضرتك انا معنديش نور ومعنديش مقدرة انى انا ادفع الفلوس
مفيد فوزى : اه وبعدين ؟
مواطنة : قاعدة باخد محاضر معنديش نور خالص فى البيت ولا عندى فلوس حتى ادفع لشركة الكهرباء مقدمة ليا اكثر من اربع سنين ومعايا الكعب ومفيش حد يركب لى طبعا عايزين الف ونص وانا ممعايش مقدرة ادفع
مفيد فوزى : ساكنة فى البيت هنا ؟
مواطنة : اه معايا عيل معاكى اد ايه معايا ولد
مفيد فوزى : واحد ؟
مواطنة :اه
مفيد فوزى : جوزك بيشتغل ايه ؟
مواطنة : ارزقى
مفيد فوزى : ايوا بيشتغل ايه؟
مواطنة : على باب الله شغل يعنى
مفيد فوزى : الصرف الصحى بيوصل عندك؟
مواطنة : لأ مش واصل هنا
مفيد فوزى : مش واصلك اصح؟
مواطن :امال ليه بيقولوا ليه كل البيوت اللى هنا الارضية فيها الصرف الصحى والمياه
مواطن :والبيت ده اساسا مفهوش ولا مياه ولا صرف صحى
مفيد فوزى : اه فى كهرباء ؟
مواطن :لأ ولا كهرباء
مفيد فوزى : يعنى مفيش صرف صحى ولا كهرباء بتشربوا مياه منين ؟
مواطن :من عند الجيران
مفيد فوزى : يعنى ايه من عند الجيران ؟
مواطن :يعنى بنجيب مياه من عند الجيران ونشربها
مفيد فوزى : وده البيت بتاعكم كله ؟
مواطن :الاوضة دى بس
|مفيد فوزى : الاوضة دى بس بتنامو ازاى ؟
مواطن :اهو بنفرش على الارض وبنام وعلى السرير
مفيد فوزى : يعنى كلكم كام والاولاد كام جوزك فين امال ؟
مواطن :جوزى عاجز
مفيد فوزى : يعنى ايه ؟
مواطن :عاجز
مفيد فوزى : عاجز اه موجود هنا يعنى طب انتوا كلكوا كام ؟
مواطن :احنا كلنا ستة
مفيد فوزى :سته بتناموا فى الاوضة دى ؟
مواطن :بنام فى الاوضة
مفيد فوزى : وعندك كام بنت ؟
مواطن :بنتين
مفيد فوزى : والبنتين بيناموا فى نفس المكان ؟
مواطن :اه
مفيد فوزى : اكبرالبنات عندها كام سنة؟
مواطن :عندها 16
مفيد فوزى : 16 ودى حياتكم هنا ؟
مواطن :اه
مفيد فوزى : بس المياه بتجيبوها منين ؟
مواطن :هنا لا مفيش مياه فى البت هنا خالص
مفيد فوزى : امال بتجيبوا مياه منين ؟
مواطن :هنا من برة من الشارع
مفيد فوزى : وانا شايف فوق البيت الطبق بتاع الدش وده بتاع مين بقى ؟
مواطن :والله ما عارفة
مفيد فوزى : متعرفيش معندكيش تليفزيون ؟
مواطن : لأ عندنا تليفزيون معندناش دش
مفيد فوزى : معندكمش دش ؟
مواطنة : اه خش اتفضل
مفيد فوزى : ماانا شايفها ؟
ا نت ايه قاعد هنا
مواطن : قاعد هنا انا والعيال
مفيد فوزى : العيال كام ؟
مواطن : احمد وجهاد وامهم
مفيد فوزى : اه
مواطن:طبعا ايه مفيش هناحمام سعتك كل البيت ده على حمام واحد بس طبعا محدش هيرضى ايه نقعد فى اوضة واحدة وبنجيب ورق على سكن ومش عارفين اى شكوى اى مكان يعنى اى تصريف مش عارفين ناخد اى حاجة خالص عاوزين اى تصريف بس هو الفلوس الموضع محرج
مفيد فوزى :انتوا اد ايه كلكم كام واحد ؟
مواطن : احنا لمؤاخذة 4
مفيد فوزى : بنتين ولا بنت ؟
مواطن : بنت واحدة فى المدرسة البنت دى قعدت معايا والواد دهو ودى قعدت معايا وامها والواد دهو دول احنا كده 4
مفيد فوزى : اه البنت فى المدرسة
مواطن : اه فى المدرسة اهى جت
مفيد فوزى : تعالى فى مدرسة ايه ؟
البنت :فى مدرسة الفيوم
مفيد فوزى : فى الفيوم اه مش هنا يعنى انت بتسافرى ؟
البنت :لأ هنا احنا ساكنين هنا
مفيد فوزى : الله يعنى سيبتى المدرسة ؟
مواطن : لما جينا هنا قالوا هاتوا ورقة بتاعت
مفيد فوزى : بقولك ايه هى خرساء؟
مواطن :لأ
مفيد فوزى : طب مادام خرساء بتتكلم انت ليه سيبنى من فضلك شوية ايه اللى قعدك هنا؟
البنت علشان ما ينفعش ان انا اعيش هناك واسيبهم وابات
مفيد فوزى : وانت كنتى فى مدرسة الفيوم ؟
البنت: اه
مفيد فوزى : وقعدتى بقى من المدرسة ؟
البنت : اه
مفيد فوزى : طلعتى فى سنة ايه ؟
البنت :لأ انا قعدت بس باخذها منزلى يعنى
مفيد فوزى : يعنى ايه منزلى عايزين يجوزوكى ؟
البنت :ايه
مفيد فوزى : عايزين يجوزوكى ؟
البنت : اه
مفيد فوزى : عايزين يجوزوكى مش كده ؟
البنت :اه
مفيد فوزى : علشان كده عايزين يقعدوكى ؟
البنت :لأ والله مش هما اللى قعدونى بروح منزلى وساعات بروح شهر شهرين بروح سواعى على طول وساعات باخدها منزلى ساعات لما اكون تعبانة باقعد هنا ولما باكون مش تعبانة بروح هو هنا بس علشان مفيش مكان علشان كده انا قاعدة معاهم
مواطن : الحكومة اللى هى عملة ترب اليهود ده حرام عليهم حرام والله والعظيم حرام الزبالة ماشى امراض الناموس فى عز النهار بيقرس فينا من المجارى المجارى اهى ضربة عندنا هناك اهيى عندى ابنى لمؤاخذه عنده حساسية ماشى كده وعيان ومفيش اساسا اى اهمياه المجارى ضربة والزبالة مرمياه عندنا مدرسة اهى الناظر فيها مش هاين عليه نينظف حوالين المدرسة رامى الزبالة ولاهاين عليه يفتح المدرسة ولا الباب ده ولا الباب ده عيال بتهرب من المدرسة والزبالة مرمياه ولا اكننا ساكنين فى ترب اليهود اساسا اسمها عزبة النصر اسمها عزبة النصر
مواطن : احنا بنعانى من خدما كثير كثيرة قوى قوى الناس دى من 40 / 50 سنة معوقين لما جينا نطالب بالمرافق الحكومة حطتهم مذنبين
مفيد فوزى : مذنبين ؟
مواطن : مذنبين
مفيد فوزى : بمعنى ؟
مواطن : بمعنى فى الانتخابات وقاعدة الشورى والشعب يجوا يقولوا ايه احنا هنفتح الكهرباء ماشى ما اختلافناش الكهرباء دى شركة قابضة ليا حق التعامل مع المواطن مباشرتا ليس اللجوء لحى او لمحافظة او شركة من حق المواطن يتعامل معاهم مباشر المياه من حق المواطن يتعامل معاها مباشر احنا كناس مجتمع مدنى او كناس مثقفة بتحاول
ان هى تتعامل بمستندات بمذكرات لغايه هما لما يقفلوا الكهرباء بطرقهم الخاصة ويفتحوا الكهرباء بطريقهم انا باتعامل مع رئيس الحى و مع المجلسى المحلى ولكن المذكرة تكتب وتاخذ تأشيرتها وتوضع فى الدرج
مفيد فوزى : مش الدولة الاجهزة ادارية اللى فى الحى وفى المحافظة بتقول ان الناس دى مذنبين مستحيل احنا عندنا من طالب طى جى وان لغايه طالب جامعى كل ما نيجى نتكلم مع رئيس الحى يقولك الموضوع ده عند المحافظ حوالى عن 20 رئيس حى فى خلال فترة معينة اتغيروا لا احنا عارفين ايه هى الاسباب ان كانت ادارية ام سياسية ا هو متهم او هو مدان احنا ما نتهمش حد نهائى بس ده المواطن اللى له حقوق وعليه واجبات المواطن لو جية الساعة 12 بالليل بيدى واجباتة للدولة وبيدى واجباتة لمصر له له حقوق ياخدها انهاردة عندناحوالى 500 منزل فلوسهم جوا الكهرباء وادى فاتورة بتاعت مواطن دى فاتورة مواطن من سنة 2000 انهاردة احنا فى 2010 دى لو هو واضعها فى بوسطة او فى بنك كان هياخذ عليها فوائد انا بتعامل مع بتوع الكهرباء وبروح لهم وبحاورهم تقولك الجأ لنا للحى مجمع المدارس انشأتة منظمة بلادى جت انترنشيونال بالاحترام والتقدير ولكن لا فى تعليم كويس لا فى صحة كويس لا فى دخول مرافق زى ما انت قلت فى ذكرحديثى الناس دى قاعدة معوقة حوالى اكثر من 50 سنة احناعايشين هنا بسرقة كهرباء ان ما كنش سرقة كهرباء مش عايشين مش هنعيش خالص الحكومة مش راضية تدخل لينا كهرباء بتدخل للناس اللى معاها فلوس اللى بيدفع 150 جنية رشوة اخد كهرباء ما يدفعش 150 جنية ما يدلوش كهرباء مجارى الحكومة عملتها ما نقدرش نتكلم مياه دخلتها الريس امر بكده مشى كل حاجة طب الكهرباء اسمى طلع اول واحد فى التليفزيون تعالى ركب ليا الكهرباء قالى 150 جنية علشان اجيلك بس بمواصلة ولا جه ولا حد شافة وادفع منين 150 جنية انا قلت 400 جنية احنا بندفهم اولا للحكومة انما سرقة الكهرباء بقى كل يوم هات سلوك وهات وهات وهات حاجة فظيعة جدا وعايشين بسرقة الكهرباء ده واحد فى الناس ساق كهرباء مش هقولك لأ غير كده هقول ايه بادفع فلوس علشان انور 10 جنية كل شهر وكل يوم 2 جنية 3 جنية 5جنية خد ليه سرقة كهرباء ادى اللى بيحصل يا بية انما احنامش عايشين الا كده غير كده مش عايشين عايزك تقول لى اذا سمحت المشروع اللى حاليا انتوا شغالين فيه هو عبارة عن ايه ؟
مواطن :عبارة عن صرف صحى لاهالى العزبة عزب النصر اللى احنا فيها حاليا الاهالى ما بيساعدوناش الصرف لسة ما اتعملش البودىبتاعة وما وصلتش للمحطة الرئيسية فكل الناس طبعا عربيات الكسح ابتدت تغلى بقت من 50 - 30 جنية بقت 120 جنية الاهالى تعمل ايه بقت ترمى كل الشغل بتعها على الصرف الصحى مفتوح زى ما انت شايف سياتك كده ده شئ خارج عن ايرداتنا اصلا
مفيد فوزى : يعنى دى مشروعات الدولة ؟
مواطن : مشروعات دولة طبعا تبع الجهاز وشغالين
مفيد فوزى : شغالين بقالكم اد ايه
مواطن : بقالنا سنة
مفيد فوزى : امال ايه اسباب ضيفهم من المياه اللى جوا البيوت والقرف ده كله ؟
مواطن : الشغلة دى كانت عندهم وهى كانت ترنشات يعنى الاول كانت بتصرف على الترنشات فطبعا احنا عمالنا الصرف وليه محطة وليه صرف وليه اصول فى محطة عمومياه هتتعمل هناك عند سوق السيارات واخد بال حضرتك فطبعا الاهالى ماكملوش معانا بيحطوا على الترنشات بتعتهم زى ما كانوا بيحطوا الاول واتعملوا علىالصرف الصرف لسة ما مشيش زى ما انت شايف كده ا تعملواترنشات ترنشات بلدى بيبنوا ترنشات ادام البيت واخد بال سياتك احنا بنعمل الفراغات وكنا بنبى ترنش تانى هما المفروض يتعاملوا مع الترنشات زى ما كانوا بيتعملوا معانا الاول هما ساعة الحادثة بتاعت الكسح نفسة رفعوا السعر وهما عارفين كده بعد ما كنت ب 30 و50 بقت ب 120 الكساحات اللى بتكسح اللى هى العادية اه فاابتدت الناس هتعمل ايه الناس هو عايز يفتح خزانة مرتين 3 مرات فى الاسبوع فا ممعهو ش 300 جنية
مفيد فوزى : هسألك سؤال هل الناس دى البسطاء بتوع الحى بيشوفوا هذا المشروع ؟
مواطن : اه شايفينة معانا يا بيه
مفيد فوزى : شايفينه وعارفينه ؟
مواطن :حتى ساعات بيبقى متنرفز ساعات بيبقى بيسب خايف لبيتة يقع خايف مش عارف ايه وده كله احنا بنتعامل مع الاهالى
مفيد فوزى : بتعمل عمليه الدق ده بيأثر على البيوت ؟
مواطن :صرف صحى واحنانخاف على اى بيت لو اى حاجة بتحصل فيه حاجات كثير لو هى مش حاسة بالصرف الصحى كنت انا باركبها واخد بال حضرتك متعاون معاهم وكل الاهالى واقفة جنب منى ومتعاون معاهم تعاون من غيرحدود حد فيهم يكدبنى وانا واقف مع حضرتك حد فيهم يكذبنى
مفيد فوزى : بتشتغل ايه ؟
طالب : انا اساسا طالب بجامعة جنوب الوادى
مفيد فوزى : كليه تجارة اللى هى جامعة جنوب الوادى ؟
طالب : لأ جامعة سوهاج
مفيد فوزى : جامه سوهاج ؟
طالب : اه انا سايب الجامعة وجاى هنا علشان مصاريف الدراسة بتعتى المحافظة بتعتى ما بتوفرش ليا دخل و لا فرصة عمل طبعا سوهاج تعتبر اقل محافظة من محافظات الصعيد فى التنمياه مفيش اهتمام ولا استغلال ليها كل محافظات الصعيد بصفة عامة من اول بنى سويف لحد اسوان لو فى اهتمام بالمحافظات دى فى الصعيد فى تنمياه للصعيد واحنا هنا فى علبة سردين حضرتك لو رحت القطامياه ولو رحت الحتت الراقية حتلاقى اللى عقنده الفلل والقصور والشليهات طب يعنى فيها خلل فى خلل فى التوزيع بيقولك دى تنمياه تنمياه ايه دى تنمياه وهمياه دى ارقام بنسمع عنها ما شفنهاش الحقيقة
فاصل
مفيد فوزى : حضرتك عضو مجلى محلى البساتين
جمال طايع : ودار السلام
مفيد فوزى : الناس طهقانة وقرفانة ومتعذبة وصورة لا تسر عدو ولاحبيب ؟
جمال طايع : تمام
مفيد فوزى : ايه تعليقك؟
جمال طايع : دى حقيقة لان للاسف عضو المجلس المحلى القانون لا يحمياه يعنى فى فجوة بين التنفيذ ى وبين الشعبى فا القانون مداش صلاحيات لعضو المجلس المحلى يقدر يشيل رئيس حى او مهندس اسكان فاسد وفى فساد فى المحليات والناس كلها على مستوى المجلس كله ولكن احنا على مستوى المجلس كله منتخبين من الشارع وبالاربع والعشرين ساعة متواجدين بالشارع بين الناس بنحلل على قد ما نقدر بعلاقاتنا الخاصة بالود بالقانون وناس محقة فى اللى حضرتك بتقولة ولكن فى ايجابيات وفى سلبيات دائما نكون متفائلين
مفيد فوزى : ايه الايجابيات سيبك من كلام الانشا ده بتاع دعنا نكون متفائلين .
جمال طايع : انا بقول طبعا انا عضو مجلس محلى البساتين ودار السلام ولكن لما اتكلم عن عزبة النصر
مفيد فوزى : مين اللى اختارك ؟
جمال طايع : الشارع الشعب
مفيد فوزى : هو اللى انتخبك ؟
جمال طايع : الشعب طبع وانا ابن الشعب وابن الشارع
مفيد فوزى : مين رئيس الحى ؟
جمال طايع : رئيس الحى اللوا خالد المعولجى
مفيد فوزى : محدش بيشوف خالد ليه ؟
جمال طايع : لا متواجد 24 ساعة رجل فاضل رجل محترم ولكن للاسف
مفيد فوزى : متواجد ايه ؟
جمال طايع : متواجد فى الشارع
مفيد فوزى : 24ساعة ؟
جمال طايع : 24 ساعة متواجد فى الشارع كلمة انا احاسب عليها رالراجل ده واصل حى البساتين له شهرين للاسف العيب الوحيد لحى البساتين ان كل شهرين فى رئيس حى ده طبعى مش عيب كل شهرين يجى رئيس حى فهيقدر يشتغل ازاى
مفيد فوزى : ههه يعنى انا مش عارف هل انا غلطان انى انا كلمت عضو مجلس محلى لانة بيقول رئيس الحى موجود 24 ساعة وانا اهو موجود وتليفزيون وكاميرات وعدسات وبشر وناس ومع ذلك انا لاشفت رئيس الحى ولا هشوف رئيس الحى ليه لان رئيس الحى ما يملكش يجى فى المكان اللى انا كنت فيه حيث تستقبلة القمامة والزباب والمياه الزفرة والحياة البائسة هل انا هو مطالب ادام مين ادام الحى ولازم يقول كلمة كويسة فى رئيس الحى وبالتالى لازم تبقى اعصابة هادية وبرده لانه ببساطة بيقول فى ايجابيات وفى سلبيات حبيت اعرف ايه الحكايه فهوبادب شديد قال اصل لمؤاخذة رؤساء الاحياء بيتغيروا كل شوية يعنى معنى كده مفيش رئيس حى يستوعب مشاكل الناس وياخذها فى قلبة وفى صدرة ويتحرك وبالتالى ادى الناس اللى استقبلونى ومتعهم الذباب ومعهم القمامة انا طبعا مكسوف اقولك ايه انا مش عاوز احرجك ادام اللوا
جمال طايع : انا راضى لا اخشى احد لا اخشى احد اطلاقا الا الله سبحانة وتعالى والحمد لله ايدينا بيضاء ولكن عيب مشكلة عزبة النصر حضرتك مفيهاش عضو مجلس محلى لاول مرة ممثل فى تاريخ عزبة النصر 2 اعضاء مجالس محلى مجلس محلى فى عزبة النصر لا يمثل اول مرة يمثل .
مفيد فوزى : اه يعنى مفيش عضو مجلس محلى عن عزبة النصر؟
جمال طايع : انا اول مرة
مفيد فوزى : اول مرة وقبل كده مفيش ؟
جمال طايع : مفيش طبعا حضرتك طول عمرة مفيش
مفيد فوزى : الناس دى كم مهمل ليس لها صوت تدافع عنه ؟
جمال طايع : تراكم السنين تراكم السنين حضرتك وللاسف كل مسئول بيجى بيوضب المكان اللى هو متواجد فيه مفيد بيه نائب المحافظ والمحافظ اللى هو الطريق اللى هو فى شارع الجزاير المعادى الجديدة صقر قريش المحكمة الدستورية الاماكن اللى بيعدى فيها المسئول ولكن حضرتك زى ما انت شايف عزبة النصر منطقة شرق البساتين منطقة مهملة مفيش مواصلات مفيش طرق رصف مفيش انارة مفيش مفيش مفيش مسئول بيعدى فيها الا حضرتك انت جاى عشان تشوف الناس
مفيد فوزى :انا جانى جواب بيقول انتوا بتروحوا تصوروا الحاجات الهاى لايف تعالوا شوفوا اللى احناعايشين فيه لما جالى الجواب منطقيا لازم اتحرك .
جمال طايع : كلام حضرتك تمام تمام ولكن للاسف لان المشاكل كثيرة قوى فى عزبة النصر لو اتكلمنا لننفصل عن الدائرة ولان عزبة النصر منفصلة مشاكلها كثيرة فى الاتوستراد حضرتك معنديش موقف اتوبيس انا طلبت كان فى عندى موقف اتوبيس عندى اهمل خط 72 و824 واهمل والطريق الوحيد المنفذ الوحيد الاتوستراد طريق الاتوستراد الناس بتعدى وحضرتك بس حرب كانك انت فى اسرائيل والانسان العربى الشارع بيلتهم الناس يوميا 3 و4 موتى وانا عملت من اول 2008 كعضو مجلس محلى تقدمت لهيئة النقل والمواصلات بطلب لانشاءكوبرى مشاة توصية للمجلس المحلى وراح المحافظة وحضرتك للمجلس المحلى من شهر 10/ 2008وانتهت التوصية فى المحافظة رحنا كاسترو فى لجنة النقل والمواصلات بالمحافظة كعضو مجلس محلى فى المحافظة وانتهى الامر انتهى الموافقة لى وحاليا اخذ قرار من سنة
مفيد فوزى : بعد القرارات يا عم جمال.
جمال طايع : بعد القرارارت اتعلمت من يومين واسند هذا المشروع لشركة المقاولين العرب وقالوا فى جمعية اسمها جميعة النهضة قالوا بعد 4 شهور احنا هنعمل المشروع ده هو حاليا قالك فى تطوير لمنطقة عزبة النصر للسنة اللى جايه فجة قال مشاكل المنطقة صور المخلفات شاف الارض فضاء وقال هنطور
مفيد فوزى : هنطور
جمال طايع : هنطورولكن فى مشكلة حضرتك المشكلة هى اللى مش عارفين لها حى مشكلة الكهرباء
مفيد فوزى : تر ب اليهود دى ايه المعنى اللى فيها ؟
مواطن : تر ب اليهود دى كانت مقابر لليهود ولكن بعد سنة 73 يمكن بعد نصر اكتوبر طبعا اتوضع يد نازحين من المحافظات على المكان دوت وسميت عزبة النصر بعد نصر اكتوبر 73
مفيد فوزى : بالفعل اسمها عزبة النصر لكنها يا ولادى مهزومة ومقهورة ومذلة ومهانة 0