أحمد موسي: "إحمدوا ربنا على الأمن والأمان في مصر"

علق الإعلامي أحمد موسى، على تطورات الأوضاع في السودان بسبب الاشتباكات بين الجيش السوداني وميليشيا الدعم السريع، قائلًا: "كنت متواجد في معبر أرقين البري على الحدود المصرية السودانية"، مضيفًا: "لازم كل واحد فينا يرفع يديه ويحمد ربنا ويشكره على نعمة الأمن والأمان، لأن هذه النعمة لا تقدر بأموال وكنوز الدنيا، مفيش حد يقولي سعر الذهب بكام والجرام بكام، كلمني أنا قاعد فين وأخبارها إيه، تقولى ذهب مين، دول باعوا الذهب اللي عندهم علشان يعرفوا يوصلوا مصر وهل سألوا بكام ذهب، إحنا بنتكلم في فراغ وهوا، وناس قاعدة في تكييف، واللى جاي من السودان، لا عارف ينام إزاي، بيفطر إزاي، بيتسحر ولا لاء، في أكل و لا لاء، هل سأل ثمن كيلو الأرز بكام".
وقال "موسى" خلال تقديمه لبرنامجه "على مسئوليتي" على فضائية "صدى البلد" اليوم السبت، إن كل تفكير العائدين من السودان، كان هو الوصول إلى بلدهم ووطنهم، مضيفًا: "ربنا يحمي جيشنا العظيم، عايزك لما تشوف أي حد من القوات المسلحة بوسه، قوله متشكرين، علشان عارف تتحرك في بلدك، وتعمل كل شيء، لما روحت ميناء أرقين، علشان نسجل مع العائدين من السودان، كنت حريص أووي، مش مهم التعب، لازم أشوف الناس دي وأروح ليهم وتشوف اللى حصل، ويسوى كام، وكمان الشعب السوداني الشقيق، ده شعب وناس مسالمة فجأة، حصل اللى حصل، وحصلت الحرب، يعملوا إيه الولاد دول والأطفال والستات".
ووجه موسى، التحية إلى الفريق كامل الوزير، وزير النقل، لتسهيل حركة فريق البرنامج في ميناء أرقين واستقبال العائدين من السودان والتسجيل معهم، كما وجه التحية لوزير الداخلية، وذلك لسهولة التنقبل ونقل ما يدور من خراب وتدمير ومعرفة قصص وحكايات الناس التي عادت من السودان، قائلا: "تخطينا مسافة ال 1500 كيلو، علشان نشوف أهلنا وهم راجعين من السودان، ولازم نحمد ربنا ونشكر الرئيس السيسي، الرجل الذي قرر مبكرا وقال استعدوا".