مواطن لوزير النقل: أنا جريت عليك عشان اشكيلك.. والوزير: "وأنا جاي اسمعك وهاتصرف"

زار الفريق كامل الوزير، وزير النقل، اليوم السبت، محطة السكة الحديد في محافظ المنيا، والتقى أحد الركاب الذي اشتكى له من الباعة الجائلين والمتسولين".
وقال الراكب: "ياسادة الوزير أنا جاي جري عليك عشان اشكيلك، القطار القبلي انت منعت الباعة الجائلين تطلعه لكن رئيس القطار بيسيبهم يطلعوا وبيطنش، وأنا ركبت مرة من مغاغة وعشان يوقفوا القطار بيشدوا البلف، فالسواق الذكي بيكرمهم ويهدي شوية ودا بيحصل في مغاغة وبني مزار، صدقني أنا بثق فيك لان حضرتك بتاع شغل".
ورد الوزير: "وأنا جاي عشان اسمعك احكي ومتخافيش غير من ربنا، وانا لو شوفت بياع هامسكه بنفسي، وعارف كل اللي بتقوله دا، عاوزك تكتبلي الواقعة دي وأنا هاتصرف، أنا مينفعش حد يقولي كلام كدا واخده، وعندنا شركة أمن لمنع ركوب الباعة القطارات".