مجدي الهواري عن تكريم مؤمن زكريا: "ده دور الفن.. والإنسانية لسه موجودة"

نشر المخرج مجدي الهواري فيديو وصورا من حضور اللاعب مؤمن زكريا، مسرحية علاء الدين، التي يخرجها.
وعلق الهواري على الصور: "في كلمتين من قلبي عايز أقولهم يا جماعة، أولا: عن الإنسانية الحقيقة أنا متفائل لأن الناس لسه عندها استعداد تتحمس وتشارك وتتفاعل في أي حاجة فيها فعل وعمل إنساني، بس مستغرب أن بعض الناس شايفة الموضوع جديد على الفن.. لا خالص! يا جماعة هو ده دور الفن.. لأنه ببساطة هو الحياة والحياة من غير الإنسانية مش حياة.. يا ريت نتذكر أن رسالة الفن مش بسيطة وسهلة زي ما بعض الناس فاكرة لا دي ضرورية ومهمة جدا لانها باختصار واجبة الحدوث".
وأضاف: "الحمد لله اهو كان مبسوط امبارح وسعيد بالعرض وتكريمه يبقي كده جون لينا الحمد لله، يعني بعد موقف إمبارح اللي هو واجب علينا للنجم مؤمن زكريا، لما اتحاد الكورة يقرر يعمل ممر شرفي له في مباراة القمة النهارده بعد اللي حصل إمبارح!! كده احنا عملنا دورنا.. ده دور الفن ياجماعة بس اللي يفهم".
وتابع: "ثانيا الحراق مؤمن زكريا.. حبيب القلوب.. والله ده اقل حاجة نقدره بيها . قلوبنا معاه كانت بتتقطع إمبارح عليه. ربنا يشفيه ويرجعه تاني يمتع جمهوره وكلنا ندعيله، كل فرقة علاء الدين إمبارح كانت بتعمل دورها في المجتمع برسالة حب من الفن المصري إلي الإنسانية.. اطمنت اننا لسه عايشين والله يا جماعة لما الناس قامت تصقف ربع ساعة علشان بتقدر مؤمن زكريا".
واختتم: "تحياتي لكل أعضاء فرقة علاء الدين اطمنت على قلوبكم كل فرقة علاء الدين لما بكيتم اتقطعت قلوبنا.. الحمد لله على نعمة الإحساس".
وانتشرت صور وفيديو لحضور مؤمن زكريا خلال حضوره العرض وتكريمه، وتعاطف الكثيرون بسبب حالته، التي أثرت لحد ما على حركته.
View this post on Instagram
A post shared by Magdy Elhawary (@magdyalhawary) on Aug 22, 2020 at 5:56am PDT