السيسي عن الإرهاب: "زي السرطان.. الجسم بيهاجم نفسه"

قال الرئيس عبدالفتاح السيسي، إن الإرهاب فكرة شيطانية هدفها ضرب مركز ثقل الدين للإنسانية والعلاقة بين الإنسان وربه: "الإرهاب زي السرطان وده أمر معروف الجسم نفسه بيهاجم نفسه تعالجه ربنا يوفقك وتزيله وكل ده والجسم بيتعمل فيه كده بيبقى ضعيف، عايزين تقولوا إحنا في مصر بقالنا 6 سنوات بنعالج المسألة متكبدناش تكاليف كبيرة جدًا".
وأضاف الرئيس السيسي، خلال المؤتمر الوطني الثامن للشباب، اليوم السبت: "مش بتقولوا إن الناس اتأثروا بشدة من الفكرة وأثارها، فكرة الدين مبقتش جاذبة زي الأول، لو شوفنا من يرفعون عباءة الدين تأثيرهم كده طيب دا إحنا نخاف ونخلينا بعيد عن الحكاية دي، بتكلم في عالمية التأثير، لما يوجد 55 دولة مسلمة هما مين وهما فين؟".
وتابع الرئيس: "الإرهاب وأنت بتعالجه يا بتشيله خالص يا تضعفه وتراجعه كل شوية، أثناء العلاج ده كله الجسم في أضعف حالاته، ممكن يروح مننا، ولو الإصابة لم تعالج الجسم كله يروح ونفقد الدولة، استخدم الإرهاب في تدمير سوريا ودول في وسط أفريقيا وكان الهدف منه مصر واستنزافها بقالنا 6 سنوات بنستنزف طاقات عسكرية ومالية ومعنوية، كل أسرة قدمت شهيد أو مصاب متألمتش بشكل مباشر أو حتى المحيطين بها".
وشهد الرئيس عبدالفتاح السيسي، اليوم السبت، انطلاق فعاليات المؤتمر الوطني للشباب في نسخته الثامنة والمنعقد بمركز المنارة للمؤتمرات بالقاهرة الجديدة.
ويحضر فعاليات المؤتمر، الدكتور مصطفى مدبولي، رئيس مجلس الوزراء، والدكتور علي عبدالعال، رئيس مجلس النواب، وعدد من الوزراء وكبار رجال الدولة، فضلًا عن مشاركة 1600 شاب من مختلف القطاعات في الدولة.
وتشهد فعاليات المؤتمر -والذي يعقد على مدار يوم واحد فقط- جلسة إسأل الرئيس والتي يجيب فيها الرئيس عبدالفتاح السيسي، على تساؤلات المصريين على الهواء مباشرة.