السيسي يكشف كيف وقع حادث تصادم قطاري البحيرة - فيديو

كشف الرئيس عبدالفتاح السيسي عن سبب حادث قطاري البحيرة أمس الأربعاء، قائلًا: "قطار البضاعة وقف، والقطار اللي كان فيه الركاب اتحرك، الجرار الأول عدى والتاني عدى لكن التحويلة اتفتحت على الجرار التالت، فنص العربية بقى في المسار الطبيعي، والنص التاني اصطدم بقطار البضاعة".
وتابع الرئيس السيسي، أثناء افتتاحه المرحلة الأولى، من مدينة العلمين الجديدة، اليوم الخميس: "القطار وقف طبقًا لنظام التشغيل، وإذا كنت بقول كلام مش مظبوط السيد وزير النقل يردني، القطار بتاع البضاعة وقف، ده خط مفرد بتتعمل عليه تحويلات لتسهيل الحركة، قطر الركاب لما اتفتحله التحويلة عشان يعدي عدى الجرار الأول والمقطورة التانية أما المقطورة التالتة والرابعة اتفتح عليها ونص القطار اتحرك في الاتجاه السليم والنص التاني اصطدم".
وقال الرئيس عبدالفتاح السيسي: "إننا في حاجة لتشكيل لجنة عُليا من أساتذة الجامعات والكلية الفنية العسكرية ووزارة النقل تمر على الشبكة كلها وعلى الجرارات الموجودة بالكامل، ويكون عندنا الاستعداد ونقول يا جماعة إحنا هنوقف الخط ده بشكل مؤقت، حتى لو 3 شهور، حتى رفع كفاءة المرفق بالكامل".