أغنية "أبويا" لهاني شاكر تتصدر تريند يوتيوب مصر

تصدرت أغنية "أبويا" للفنان الكبير هاني شاكر، نقيب الموسيقيين، قائمة تريند موقع الفيديوهات "يوتيوب".
الأغنية من كلمات الشاعر سامي النويهي، وألحان عمر كمال، والصولوهات للموزع الموسيقى أحمد طايع.
يذكر أن شاكر يستعد خلال الفترة المقبلة لطرح عدد من الأغنيات السنجل.
تقول كلمات الأغنية:
ابويا اللي عليه مسنود
حنان قلبه ملوش حدود
كبرت ولسة من عطفه
كأني من ساعات مولود
ابويا ده قصة وحكاية
سنين تعبه بلا نهاية
وعن طيبته هقولك ايه
ده جسر من الوفا مدود
ابويا وعزي من خيره
جناح حوط على طيره
أنا اللي كفاية من غيره
ما كانش هيبقى ليا وجود
ابويا في الوفا نادر
وحتى وهو مش قادر
أقول عايز يقول حاضر
ويفتح كل باب مسدود
وأقوله إرتاح يرد يقول
وتيجي ازاي وأنا المسؤول
ويخرج كل يوم مهموم
ويرجع من التعب مهدود
وأقوله يا ابويا حملني
وهات الشيلة شيلني
لإمتى يا ابويا هتشيلني
يقولي طول ما أنا موجود
في كل دقيقة بحياها
ملامح ابويا جواها
أنا اللي يا ابويا بتباهى
وبدعيله في كل سجود
وبدعيله في كل سجود
وبدعيله في كل سجود