حوار مع أستاذ الأقتصاد

بعد الحمد لله ، بما أن الثاوية العامة جعلتنى كارها للحياة فقررت و أنا جالس فى درس الإقتصاد أن أسأل الأستاذ سؤالا الحمد لله بعد أن أجابنى شرح الدرس الجديد ولم يسألنا كعادته فى بداية الحصة لأن الوقت كان ضاع مما دفعنى أن أكتب ما قاله لى خصوصا أنها كلمات تكتب بماء الذهب أو أغلى .
كان السؤال هو : ايه رأيك يا أستاذ فى اللى مرسى معملوش فى المية يوم؟؟!!
فقال لى : سيبك انت من اللى معملوش اصل اللى معملوش كتير . قل لى انت هو عمل ايه ؟ بصراحة لم أحبذ الكذب فى هذا الموقف لسببين 1 - لأنه حرام . 2 - لأن الأستاذ سيعاود شكوكه فى كونى عضواً فى جماعة الاخوان المسلمين .
فأجبته قائلا : معملش حاجة .
قال لى أنا لو كنت مكان مرسى أو مكان وزير المالية الفلول اللى عاش مع فساد مبارك 20 سنة كنت جبت فلوس كتيرة للبلد كل اسبوع والمشكلة ان هم عارفين الكلام ده ومبيعملوهوش . فبادرته بقولى : أصلا الوزارات كلها فلول . فقال : أنا لو شرحت لك اقتصاد بجد ياأيمن غير اللى انتوا بتدرسوه ده أول حاجة هقولها لك البورصة ، اه البورصة الى كل شوية تكسب دى واللى أول ما مرسى كسب الحكم كسبت اعلى رقم فى تاريخها هاعمل بقى 10 % بس ضريبة على الربح -مش على الثابت - ولو البورصة خسرت لا قدر الله مش هيدفع حاجة - المستثمر - زى ما قلت لك على الربح بس.
كلمة حق والله الفكرة عجبتنى ولم أكد أصمت حتى قلت : والله صح مبيعملش كده ليه . ولكنى قلتها بصوت خافت ولم يكد استاذى المبجل يسمعى و أكمل حديثه قائلا : طب ده وزير المالية وقلنا فلول طب وزير البترول اللى هيموتنى ده بيعمل كده ليه هو كمان قال ايه بيقولك أنا موفر للبلد البوتوجاز لمدة 10 أيام بس - ثم دعى أستاذى عليه لأنه وزير فاشل - و أكمل حديثه فقال : ده معناه انه هيحصل أزمة أنابيب تانية لمدة أسبوع كمان بعد شوية كده وياريتها جت على دى بس لا اسمع المصيبة بتاعت البيه وزير البترول اللى بيدافع عن الكيان الصهيونى المحتل، اللى حصل ياعم انهم وجدوا فى البحر المتوسط بيننا وبين قبرص منطقة مليانة غاز طبيعى واتعمل مناقصة من كام يوم لدول العالم انهم ييجوا ينقبوا عنه ويستخرجوه لأنهم مكتشفينه أصلا بالأقمار الصناعية وشوف العجب بقى مفيش ولا دولة تيجى ولا شركة تيجى ولا حتى شيل أكبر شركة تنقيب عن الغاز الطبيعى فى العالم لأن أمريكا سابتها لإسرائيل فباقى الدول سابتها لها .
فقاطعه أحد زملائى قائلا : ولا حتى اوبل.
قال له الاستاذ : اسمها موبل ودى للتجارة مش للتنقيب.
طبعا زميلى ميعرفش غير اوبل اللى على تيشرت اسى ميلان اللى هى نوع عربية بس معلش اللى حصل بقى .
أكمل استاذى كلامه يقول : بما أن الغاز الطبيعى بيننا وبين قبرص يعنى المفروض ان الكيان الصهيونى قبل مايشتعل متطوعا من نفسه كده يكون أخد الاذن من مصر وقبرصولكن هى فتونه من عندها كده عملت مواسير من عندها لغاية مكان الغاز فيطلع وزير البترول بتاع مصر يقول معلش عشان دى حدودهم الساحليه أصل هم رسموا الحدود الجغرافية بين مصر وقبرص ، ايه الاستعباط ده انت بتدافع عنهم هو ايه اللى بيحصل ومن امتى الحدود الجغرافية اترسمت بيننا وبين قبرص؟؟!!ثم ذكر لى فكرة او اتنين سأذكرهم لاحقا ان شاء الله.
وختاما : أقول للرئيس مرسى نظِّف الوزارات من الفلول حتى نشعر بالثورة و لأن الناس والتاريخ لن يرحموك .