اصل كلمه طظ

كلنا بنستعمل كلمة طظ بمعنى انه مش هاممنا يعنى
وساعات بنقول لبعض طظ فيك يعنى انت مين انت
بس محدش سال نفسه اصل الكلمه دى ايه ؟
كلمة طظ جاية من كلمة طز التركيه والى معناها بالعربى ملح الى هو ملح الطعام. وسبب تحورها للمعنى ده انا اقولكم ايام الحكم العثمانى للدول العربيه لما كان الاتراك هما الى مسيطرين على مداخل المدن وبوابات المرور وكانو فارضين ضرايب على اى بضاعه تعدى من البوابات دى كان الملح هوه السلعه الوحيده الى معليهاش ضرايب فكان اول ما العسكرى التركى يفتش التاجر العربى ويلاقى معاه ملح يزعق باعلى حسه ويقول طز طز عشان يعدى من البوابات من غير ما يدفع ضرايب ومن ساعتها العرب كلهم طبعا كل ما يعدو حتى لو معاهم ايه يقولو للعساكر الاتراك طز طز عشان يعدوهم ببلاش وشويه بشويه اتحور معنى الكلمه لاستهزاء بالاتراك وتريقه عليهم.
وانتهى حكم الاتراك والحكم العثمانى وفضلت طز زى ما هيه.