الشاعر والملحن محمد رفاعى: زعلتنى حكاية "تبرع لدعم الاقتصاد المصرى"

على صفحة الفيس بوك الخاصة به علق الشاعر والملحن محمد رفاعى على مسألة دعم الاقتصاد المصرى، من خلال حملة التبرعات التى تشارك فيها البرامج الفضائية، حيث كتب "أنا شفت حلقة عمرو أديب النهارده زعلتنى قوى قوى قوى "تبرع لدعم الاقتصاد المصرى"، مصر اللى ربنا قال عليها فيها خزائن الأرض محدش فكر إزاى وصلنا للى إحنا فيه الآن المشكلة فينا إحنا زى ما ربنا قال فى أعظم معجزه فى الدنيا - ومن يتقى الله يجعل له مخرجاً ويرزقه من حيث لا يحتسب صدق الله العظيم.. اتقوا الله يا مصريين عشان يتصلح حال البلد دى مصر لو فيها ناس بتخاف ربنا بالشكل اللى قال عليه مكنش عمرو أديب وبقيت القنوات بتشحت علينا حسبى الله ونعم الوكيل المشكلة فينا.. يا ريت نفوق مش فى اللى هيجى يحكمنا مهما كان يا رب احفظ مصر يا رب احفظ مصر يا رب احفظ مصر أعظم بلاد العالم".