يا عزيزي كلنا حماده!

متي كنا احرارا حتي نستنكر الاعتداء علي حرية حماده .. متي كنا اقوياء في وجه السلطة حتي نندهش من ضعف وانكسار حماده ؟!
نحن نتعرض يوميا لابشع مما تعرض له حماده ولا نتكلم .. نشعر بالذل في طوابير العيش حتي نحصل عليه ونشعر بالذل اكثر ونحن نأكله مخلوطا بالتراب والمسامير..
نشعر بالذل ونحن نسير في شوارع مليئة بالقمامة والاوبئة..
نشعر بالذل ونحن نستقل اتوبيس متهالك مكدس بالاجساد المتلاصقة التي سحقها الفقر والجوع والمرض..
نشعر بالذل وابناؤنا يتعلمون في مدارس اشبه بحظائر الاغنام وينحشرون كل 80 طفل في فصل لا تتجاوز مساحته 12 متر..
نشعر بالذل ونحن نتقاضي رواتبنا الشهرية الضئيلة التي لا تكفي اسبوعا واحدا ونشعر بالذل اكثربعد نفاذها..
نشعر بالذل عندما يمرض احدنا ولايجد سريرا في احد المستشفيات ونشعر بكل الذل عندما نعجز عن توفير ثمن علاجه..
نشعر بمنتهي العجزوالذل عندما يطلب اطفالنا لعبة رخيصة ولا نملك ثمنها.. نشعر بقمة الذل والمهانه عندما تشتاق انفسنا لأكلة شهية وجيوبنا خاوية..
عايز واحد يقول لي يعني ايه حرية .. وهتيجي منين الحرية وانت ما عندكش حق الاختيار.. هتركب الاتوبيس علشان مفيش في جيبك فلوس التاكسي .. ابنك هايدخل مدرسة حكومية علشان ممعاكش فلوس المدرسة الخاصة .. هتقف في طوابير العيش علشان مفيش بديل وهتتعذب في طوابير الانابيب علشان مفيش غاز .. هتروح القصر العيني عشان لو ماروحتش هتروح مدافن الغفير .. هاتقول المسامح كريم عشان مش قادر تكسر الايد اللي اتمدت عليك .. هتقفل بابك عليك وتلم ولادك في حضنك عشان مفيش شرطة تحميك .. بتدرس مناهج متخلفة مش عارف بتدرسها ليه وهتعمل بيها ايه.. بتشتغل شغلانه ملهاش علاقة بكل اللي درسته ..
وبعد كل ده صعبان عليكم حماده .. لا ياساده ما يصعبش عليكم غالي .. احنا كلنا حماده