تلكس الي

المنتخب المصري:
** أهم من الأداء الممتع في مباراة الليلة إسعاد المصريين في قطر والخليج بالفوز!!
المنتخب القطري:
** انسوا دورة خليجي 20 وانسوا نتيجة مباراة مصر وخططوا للفوز بكأس العالم 2022!!
حسن شحاتة:
** اختيارك كأحسن مدرب في إفريقيا يحملك مسئولية صعود فريقنا لكأس الأمم وإعادة شيكابالا للمنتخب!!
جوزيه:
** يا أونطجي يا بتاع ال 3 ورقات.. يا أبو لسان زفر.. مازيمبي الكونغولي هزم بطل البرازيل وصعد لنهائي كأس أندية العالم!!
الاتحاد التونسي:
** بيقولوا "الترجي يا دولة".. امال يقولوا ايه علي مازيمبي!!
حسام البدري:
** حظك من السما أنك لم تلعب ضد مازيمبي.. وإلا كنت دخلت التاريخ.. لكن من الأبواب الخلفية!!
المريخ السوداني:
** بعد التعاقد مع حسام البدري وأحمد ناجي وضم عصام الحضري اعملوا توأمه مع المريخ البورسعيدي!!
اتحاد الكرة:
** هو اسمه الدوري البديل والا الدوري اللي ب "ديل"؟!!
جمال الغندور:
** ليه الفضايح؟.. يعني كان لازم تاخد حكام مصريين يحكموا في كأس الخليج؟!
بترول أسيوط:
** ايهما أفضل لكم.. أن تطلعوا المصري من الكأس.. والا تطلعوا الدوري الممتاز؟!