أكد الفنان أحمد زاهرخلال لقائه فى برنامج "بوضوح" مع الإعلامى عمرو الليثى على قناة "الحياة" أنه لا يمكنه أن ينسى ما قدمه له اثنان من الفنانين خلال أزمته الصحية وهما الفنانة سميرة أحمد والفنان عادل إمام. وقالت زوجة أحمد زاهر التي شاركته اللقاء: "مدام سميرة أحمد وأستاذ عادل إمام وقفا بجانب أحمد، ومدام سميرة هى اللى دلتنا على الطبيب اللى عالج أحمد، وكان طبيب باطنة وليس دكتور غدد، وكان شاطر جداً". وتابعت زوجة زاهر: "عمرى ما هانسى اليوم اللى كلمنى فيه الفنان عادل إمام أربع مرات، لدرجة إني قولت له يا زعيم أنا حاسة إن القيادة العليا بتكلمنى، ومتوترة جداً، قالى هيروح للدكتور وهيرجع وقولى له أنا وراه". من جانبه برر زاهر ابتعاد ابنتيه ملك وليلى عن التمثيل، قائلاً: "فضلت يبعدوا عن الأضواء الفترة دي ويركزوا في دراستهم وأما يكبروا شوية هما يقرروا يكملوا ولا لأ، البنات بتكبر ومش عايزهم يكبروا قدام الشاشة، لأن الناس هتفضل فاكرة بس البنتين الصغيرين وهيتحبسوا في السن ده".