اخفاء وجوه أوائل الثانوية العامة بنات.. تستفز الفيسبوكيين

حالة استفزاز انتابت الفيسبوكيين بعدما نشرت صفحة "الحياة بقى لونها سلفي"، صورة لأوائل الثانوية العامة مع اخفاء وجوه الفتيات فيها باعتبارها فتنة!
الأمر الذي جعل الفيسبوكيين يقومون بتداول الصورة المخبأة مع كتابة تعليق " شوفوا مخبيين صور البنات ازاى ... ده اسمه تخلف وجهل ...عن اى نهضة يتحدثون"، وانهالت التعليقات المنددة بذلك الفعل مثل:
- عايزين يمسكوا وزارة التربية و التعليم!!! بالذمة دولت يعرفوا يربوا اجيال متفتحة ولا حيخرجوهم بهايم من المدارس ؟؟
- لو مش عاجبهم الصور تنزل على الفيس بوك هيلاقوا على الجرايد الرسمية كلها كام يوم ابقوا قطعوا الجرايد بقى لو شاطرين
- اه تخلف وجهل الرسول صلى الله عليه وسلم حلل رؤية الوجه واليدين هتقعدوا يا امة ضحكت من جهلها الامم.
- بس من حق البنات دول انهم يتعرفوا ويتكرموا ربنا قال كل المرأه عوره ماعدا الوجه والكفين
في حين صحبت الصورة بعض التعليقات التي وجدت أن نشر الصورة علي هذه الحالة، حرية شخصية لصاحب الصفحة ومن يجد عكس ذلك هو الصحيح عليه أن ينشر ما يريد علي صفحته الخاصة ولا داعي للتجريح، منتقدين كل من يتهكم على صفحة "الحياة بقى لونها سلفي":
- انا لله وإنا إليه راجعون "تخلف وجهل ؟!" أي جهل وتخلف تتحدث عنهما ؟!
- هو سؤال دي لو كانت اختك او بنتك هترضي انها تنزل علي الفيس او علي النت من الاساس
- انت ايه اللى مزعلك دى حرية و فكر فما تقعدش تشتم ع الفاضى .. هم شايفين ان اى صورة لأى بنت ممكن تكون فتنة و حد يفتن بيها فبيتقوا شر دا ... انت مش عاجبك بقى انشر الصور على صفحتك عادى