صاحبة مقال "تغمز بعينك ياسيسي": البلد ماشية غلط و"مسئولوها حرامية"!

هاجمت الكاتبة الصحفية غادة شريف، صاحبة المقال الشهير "تغمز بعينك يا سيسي"، مسئولي الانقلاب؛ على خلفية تعرضها للنصب في فواتير الكهرباء والموبايل.
وكتبت شريف- عبر صفحتها على فيسبوك- "من أسبوع حولت خطي بنفس النمرة من أورانج لفودافون؛ نظرا لضعف شبكة أورانج فى الساحل، ولسوء مستوى خدمة العملاء وحاجات تانية كتير، وعلشان عملية النقل تتم بسرعة حولت الخط لكارت من غير إنترنت؛ لأن عندى "واى فاى" وباشحن الكارت لحد ما النقل يتم.. النهاردة الظهر شحنته بخمسين جنيه لأنى عرفت إن خلاص النقل هيتم فى خلال يومين، بعد ما فُتنا بمرحلة رفض أورانج للنقل".
وأضافت شريف: "اشتكيتهم فى جهاز حماية المستهلك، ففوجئت دلوقت إنهم خلصوا الخمسين جنيه اللى شحنتهم النهاردة، وقالولى برجاء شحن الرصيد، مع إنى لسه ما استخدمتش الشحن فى حاجة!.. ده إيه السرقة دى؟!.. أومال بقى الناس اللى بتعتمد على الكارت لأن وضعها المالى لا يسمح بخط فاتورة يعملوا إيه مع النصابين دول؟!".
وتابعت شريف قائلة: "امبارح أتسرق فى الكهرباء والنهاردة أتسرق فى الموبايل؟ هو مفيش حاجة فى البلد دى ماشية عدل وكلهم اتحولوا لحرامية؟!".