دمياط: شركات الكهرباء تسرق أرصدة عدادات الكهرباء من المواطنين

اشتكى أهالي محافظة دمياط، مما اعتبروه جريمة ترتكبها شركات الكهرباء بحقهم مطلع كل شهر. حيث يتم سرقة أرصدة المواطنين من العدادات، وذلك بمجرد شحن العدادات. مما أدى الي الاستياء الشديد من المواطنين.
وتفاجأ مواطني محافظة دمياط من النقص الملحوظ من ارصدة عدادات الكهرباء مسبقة الدفع، والتي لم يمر على شحنها سوي يومين. واثناء التوجه للشركة لمعرفة المشكلة وسبب اختفاء الرصيد، كان الرد "الله يعوض عليك".
يقول شادي عطا، أحد أصحاب الورش، انه قام بشحن العداد بمبلغ 300 جنيه مساء الأربعاء 29 يوليو، ويوم السبت ذهب إلى ورشته ليجد التيار الكهربائي مفصولا، وقام بتفقد العداد ليتفاجأ بنقص الرصيد الى 74 قرشاً بعد 48 ساعة فقط من العمل.
ويضيف شادي: "جريت على الشبكة لقيت طابور طويل للغاية من الأهالي، وكلهم عندهم نفس المشكلة، ولما سألت الموظف قالى هو النهارده كام في الشهر، قولت له النهارده 1أغسطس قالى ربنا يعوض عليك ومفهمتش حاجه".
وكان لصادق سعيد، أحد عمال النجارة، تعليق آخر، حيث قال: "والله لو الحكومة ما جابت لنا حقنا وبطلت تسرق فلوسنا بالطريقة دي هنسرق إحنا كمان الكهرباء لأن اللي بيحصل ده ميرضيش حد، يعنى إزاى رصيدى يتسرق من العداد"، وأضاف غاضباً: "أبقى شاحن الكارت وبعد يوم واحد الكهرباء تفصل عنى وألاقى العداد مصفر مفيش فيه رصيد، أومال فلوسى راحت فين، وأخدوها إزاى من غير استهلاك، ومحدش في الشبكة بيعرفنا حاجه ويقولك معندناش فكره أومال مين اللي عنده، يعنى دوله تانية مثلا؟".
وكانت هناك شكوى من أهالي عزبة البرج بالمحافظة، ان موظف وحدة شحن العدادات لا يعطي إيصالا بالشحن، فقط يقوم بشحن الكارت بدون إعطاء المواطن إيصالا يدل على العملية التي جرت. وكان رد المسئولين من داخل شركة الكهرباء، هو عدم وجود ورق للطباعة فضلاً عن تعطل ماكينات الطباعة.