ودعنا عام وجاى عام من عمرنا شوف باقى كام وفبداية عام هجرى يلا نهجر الخصام جاى معاه عام ميلادى يتولد فيه السلام ولبكرة راسمين الأحلام والأمل دوا للآلام ولسه مخلصين الكلام ودعنا عام وجاى عام *** والسنين بتمر بينا وسط سكتنا الحزينة والعجيب إن السفينة عايزة ترسى على مينا ولما يعلا الموج علينا م الذنوب تبكى عنينا للسما نرفع أيدينا وندعى ربنا ينجينا ودعنا عام وجاى عام من عمرنا شوف باقى كام *** ونفسنا.. فى صوت ضمير يهزنا ونفسنا.. فى كلمة واحدة تلمنا ونفسنا.. تجرى العروبة بدمنا ونفسنا.. منهونش يوم على بعضنا ونفسنا.. الخير يعم فى أرضنا ونفسنا.. حب وحنين يضمنا ونفسنا.. ونفسنا.. ومحتاجين لربنا رضا عفيفى