"المنصورة بتغرق" يتصدر "تويتر".. ونشطاء يتهكمون: "علشان اللي ماصيفش مايزعلش"

تصدر هاشتاج "المنصورة بتغرق"، قائمة موقع التواصل الاجتماعي "تويتر"، بعد تعرض محافظة الدقهلية لسقوط أمطار غزيرة منذ فجر اليوم، ما أحدث شلل مروري وتسبب في تعطيل المدارس.
علق أيمن متهكما: "افتح القوس يا ابني"، وقال عبده: "علشان الناس اللي ماصيفتش ماتزعلش"، وكتبت ميرنا: "يعني إسكندرية غرقت والبحيرة غرقت والمنصورة بتغرق وإحنا هنا في دمياط مالناش نفس نغرق يعني.. ولا إحنا مش قد المقام ولا إيه".
وقال عز: "إسكندرية_المنصورة_6 أكتوبر، الحكاية مش حكاية مطر كتير وبتاع.. الحكاية إن مافيش صرف المية تروح فيه"، وشارك يوسف معلقا: "يارب كملها على خير وتفضل غرقانة ويلغوا الميدتيرم".
بينما قال علي: "مايصحش كده"، وأضاف حسن متهكما: "خلينا بس نتكلم عن حضارة 7 آلاف سنة وتعامد الشمس على رمسيس الثاني".