عنوان غريب بس بجد هو ده احساسي وأنا بكتب مقالتي.اكتب ايه ؟هي هية الأحداث! نفس السناريو بيتعاد... طيب واكتب لمين؟. ما الناس كلها عارفين وشايفين!!!!! مافيش جديد... ولا مافيش فايدة ؟؟ بجد مش عارفة زي ما في ناس كتير مش عارفين.. البلد كده رايحة لفين ؟؟؟سؤال اصبح عادي هو احنا كدة شكلنا مش فاهمين ؟؟ولا تفتكروا احنا غلطانيين ؟؟ زهقت من التفسير زي ما زهقت من التحليل وكمان زهقت من الاسئلة اللي دايما مش بلاقي ليها اجابات!!!! وزارة الصحة كالعادة بتنقص في عدد الضحايا. مش عارفة لية ؟يفرق أية ان عدد القتلي8 او10 ؟ماهو في النهاية قتلي!! قتيل واحد زي عشرة. المصيبة واحدة.. ولا عدد الجرحة465 اعتقد انة عدد كبير بردوا. بس في حاجة احنا مش واخدين بالنا منها. أن عدد المصابين في المستشفي الميداني مش بيتحسب لأنه مادخلش مستشفي وزارة الصحة.. طيب وأحداث بورسعيد ؟اكتب فيها أية ؟بجد كلنا محتارين هو القاضي كان عادل ولا ظالم ؟ طيب فين رموز الفساد. فين اللي امر ونهي وخطط بالقتل. فين الظالم ومين المظلوم ؟؟؟اين الحكومة ؟؟؟لمصلحة من ما يحدث!!!! زهقنا بقة من موضوع الطرف الثالث... ملثمين ولا بلاك بلوك ولا بلطجية ولا اية مش عارفين... طيب حق مين عند مين ؟ولا مين هيجيب الحق اصلا. طيب فين حق باقي الشهداء ؟؟فين حق جابر ؟وفين حق الشهداء الأطفال بتوع حادث القطار بتاع اسيوط ولا المجندين بتوع البدرشين ولا الجنود بتوع سيناء ولا الشباب بتاع محمد محمود ولا أخيرا بتوع امبارح بتوع السويس وإسكندرية ؟ تفتكرو نروح كلنا للالترس ونطلب منهم انهم يجيبو حق هؤلاء ولا أية رأيكم ؟مش قلت لكم اني زهقت من الأحداث زي ما أنتو زهقتو بردوا من ردود الفعل. لا نملك سوي الدعاء. يارب إحمي مصر وإحمي شباب مصر.
