م الآخر| يوميات موسيليني وعطية "موكسي" وأهله وعشيرته (25)

بيسو، ونارين الناري عملوا "ميتينج" مع الشياطين اللي اتقبلوا للوظيفة.
بيسو فهم الموظفين الجدد طبيعة الشغل إية، وقالهم إن أول 4 شهور هيبقوا "ترينينج"، وبعد الأربع شهور دول مش هيبقي فية مرتب شهري ثابت، وإنهم هيقبضوا بالقطعة، بمعني إنهم هيقبضوا على كل اتنين متجوزين يطلقوا، أو إتنين مخطوبين يفركشوا،أو خلوا اتنين زمايل يتصاحبوا.. وهكذا.
بيسو طلع "الستوري بورد" بتاعت شيطان "نارين الناري"، وشرح للشياطين طبيعة العلاقة اللي بين "موسيليني وعطية"، وقالهم إنهم الشغل يومياً من 3 "أيه إم".
زي ما قلتلكوا إن خطة نارين الناري في تخريب الجوازة، قايمة علي إنة هيخلق المشاكل عن طريق حماتها، وفعلاً دا اللي حصل.. ما هو عشان أي جوازة تبوظ، لازم الزوجة، والحما يكونوا مختلفين.. فا بكدة يبقي وش "الجوازة باظت الجوازة باظت".
قَسِم إبليس الشياطين مجموعتين.. أول مجموعة بعتها لعطية، والمجموعة التانية بعتها لأم موسيليني
أتأخرت المجموعتين على ما وصلوا لمكان شُغلُهم، عشان جمهورية جحيم المهلبية، كان فيها ثورة، وقلق، وحظر، ولجان، وبلاوي زرقا.. وللعلم دية مكنتش أول ثورة تقوم في الجمهورية، لأ دية كانت التانية.
وسبب المشكلة الأساسي اللي خلى المواطن الإبليسي يقوم بالثورة، هو أن الشعب الجحيمي بعد ما إنتخبوا رئيس ل"جمهورية جحيم المهلبية" من جماعة "الإخوان المتأبلسين)" فا لما فاز "موكسي" في الانتخابات قرر هو، وأهله، وعشيرته إنهم يبيعوا طبق المهلبية، قصدي يبيعوا الجمهورية بالقطعة.. وأول قطعة كانت هتتباع هي "سينار".. فثار الشعب الشيطاني عليه.. المهم خلونا نرجع لموضوعنا.. نرجع لموسيليني وعطية.
المجموعة الأولي وصلت عند بيت عطية، وأول ما دخلوا اتفاجئوا جدًا لإنهم لقوا عطية ب....
يتبع.. .