في كشك "أم وليد" كل مستلزمات "التوك توك".. من "الرفرف" ل"الصمولة"

أم وليد: عندي 5 عيال.. ولو منعوا استيراد قطع غيار "التوك توك" هنشحت

تقاعد زوجها في المنزل، بدون عمل، فخرجت لتعيل أسرتها، ووجدت في "التوك توك" المنتشر بمحيط سكنها في "أرض اللواء" ضلتها، قررت عمل مشروع لبيع قطع غياره، وشاركت جارتها، واتخذت من كشك صغير على أحد الأرصفة بجوار موقف "التوك توك" محلًا لبيع مستلزماته وإكسسواراته، لتعيش منها وتصرف على أولادها وبناتها وزوجها.
"أم وليد"، صاحبة "الورشة الفنية لبيع قطع غيار التوك توك"، تحدثت ل"الوطن" عن طبيعة عملها، بقولها: "بتعامل مع السواقين وورش الميكانيكا، بيحتاجوا إكسسوارات، غيار زيت للمكن، وقطع غيار، رفارف، صماويل، الحاجات دي نشتريها جملة من الشركة، ونبيعها ونسترزق من وراها"، تتابع السيدة الأربعينية حديثها: "التوك توك فتح باب رزق لناس كتير، في شباب متخرج ومعاه شهادات، يجيب توك توك بالقسط وفي بيعمل قروض ويجيه علشان يشتغل، القاعدة وحشة".
"عندي 5 عيال لو منعوا استيراد التوك توك وقطع غياره أكلهم منين"، ترى "أم وليد" في قرار منع استيراد "التوك توك" قطع لأرزاق الملايين، كما أبدت تخوفها مما تسمعه عن منع استيراد قطع غياره، فتؤكد: "كل قطع غيار التوك توك، بتيجي من برة، هندي وصيني، مفيش تصنيع ليها في مصر، لا مؤاخذة إحنا آخرنا نصنع إبر بوابير، وحتى البوابير معادتش موجودة، يعني لو منعوا التوك توك أقعد أشحت أو أخدم في البيوت، يعني مش كفاية بيغلوها علينا كل فترة، لا كمان يمنعوها".
تقاطع "أم وليد" جارتها وشريكتها في المحل، معلقة على قرار منع استيراد "التوك توك"، بقولها: "أنتم سايبين البرشامجية، وتجار المخدرات، وجايين على الغلابة، بدل ما توفَّر لهم شغل، عايزين تمنعوا التوك توك اللي فاتح بيوتنا، يعني عندي عيلين، هجيب منين أكلهم وشربهم، هعلمهم إزاي، يارب صوتنا يوصل للحكومة".
ملف خاص:
رحلة "التوك توك".. من الهند إلى "الطريق الأبيض"
شباب وحملة بكالوريوس يصرخون: رضينا بالتوك توك والتوك توك مش راضي بينا
خبير: "التوك توك" دخل مصر في غفلة من الحكومة.. وقرار منع استيراده جيد
"التوك توك" لما يخالف: في وجود الضابط "مصادرة".. وفي غيابه "رشوة"
"المرور" ل"الوطن": قرارات بحبس أفراد شرطة تقاضوا "رشوة" من سائقين
صاحب شركة استيراد: أنا أول من أدخل "التوك توك" مصر.. وإلغاؤه يشعل ثورة
رحلة "التوك توك" ل"الطريق الأبيض".. ذهاب بلا عودة
خبير أمني: سرقة التكاتك واردة بسبب عدم ترخيصها.. ويجب إيجاد وضع قانوني
لا تقولي هندي ولا صيني.. ميكانيكي "التوك توك" مصري واسمه عم محمد