قال الدكتور طارق شوقي، وزير التربية والتعليم، والتعليم الفني، إن الحصول على 100% من السحابة الإلكترونية أثناء الامتحانات يُعد إنجازا إعجازيا، موضحًا أنه في امتحانات أولى وثانية ثانوي تم استخدام سحابة إلكترونية، «كان عليها كل العبء وعلى الشبكات، وقسمنا المحافظات عشان نخفف العبء، كل ده عشان نعرف إمكانياتنا إيه وحدودنا فين»، موضحًا أنه استطاع ضبط العبء على الشبكات حول الجمهورية. وأضاف «شوقي»، خلال مداخلة هاتفية في برنامج «يحدث في مصر»، مع الإعلامي شريف عامر، على شاشة «mbc مصر»، أن هذا الأمر سيعود بالنفع على الطلاب وعلى أبنائنا، «النت لما يكون كويس والشبكات كويسة محدش هينضر بأي شكل من الأشكال»، بينما نظام امتحانات الثانوية العامة، فهي مختلفة طوال الوقت، حتى عندما كانت الامتحانات ورقية كان هناك تأمين بشكل معين وصرف مبالغ كبيرة لتأمين الامتحانات. وأشار وزير التربية والتعليم، إلى أن الوزارة كانت تعمل ذلك من أجل منع التسريب والغش وعدم دخول الطلاب بالهواتف، مؤكدًا في الوقت ذاته أنه لا يوجد علاقة بين الامكانيات المستخدمة في امتحانات الصف الأول الثانوي والصف الثاني الثانوي وما سيتم استخدامه في الشهادة الثانوية، كما أنه سيجرى امتحانات تدريبية للطلاب الشهادة الثانوية في إبريل ويونيو، «نطمن من خلاله على النظام اللي بنعمله». وتابع: «الاختبارين دول عشان نشوف إيه المشكلات عشان نتفاداها يوم الامتحان الطبيعي اللي هيكون في يوليو، وكمان الطلاب يشوفوا شكل الامتحان ويشوفوا التناسب بين الاسئلة ووقت الإجابة، وبعد امتحانات يوليو، هناك محاولتين مرة أخرى، بنعمل كل الحاجات دي وسط جائحة فيروس كورونا المستجد (كوفيد19) الفيروس لسه متنهاش».
