صبري فواز: أدوار كتير أكون متأخر على الأفيش بس الأول عند الناس

رد الفنان صبري فواز، على سؤال الإعلامية إيناس الدغيدي، في فقرة "سيرتك على كل لسان"، من برنامج "شيخ الحارة والجريئة"، المذاع على فضائية القاهرة والناس، أنه من الممكن أن يقبل أن يكون متأخرا على الأفيش، لكن النجوم لا يقبلون بذلك.
وقال فواز، إنه قبل ذلك كثيراً بأن يوضع متأخرا على الأفيش "بس النتيجة أنا اللي كنت قدام، وجملي بتتردد في الشوارع والسوشيال ميديا والناس بتحكي في الأدوار اللي بعملها وحافظينها بالاسم، فأنا في الصدارة أهو".
وتابع "أنا مش زي السقا وأحمد عز وأحمد صلاح حسني وهما كمان مش صبري فواز، وكل واحد عنده حته ربنا مديهاله، وأنا همي طول الوقت أعمل دور حلو يطلع منه شغل تمثيلي هموت وهيفضل الأدوار دي بدليل أن لحد الناس بتحكي فيهم وعرفاهم بالاسم".
وعن سؤال الدغيدي إن ناس كتير عارفين أدوارك وميعرفوش اسمك قال: "أنا بعمل شغل يبقى لصبري فواز اللي هما ميعرفهوش، لكن موجود شغل ونتاج وحلو وبيتردد في الشارع".
وعن عدم معرفة الناس اسمه قال "سببه التخديم الإعلامي، في مشاكل فيه كتيرة ومعرفش ده مقصود ولا لاء، بس بيحصل كتير الموضوع ده، منهم مسلسل "بين السرايات"، وقناة من القنوات نزلت برومو للمسلسل فيه 8 من الأسماء مفيهمش صبري فواز في حين يعتبر إني بطل للعمل".