م الآخر| سألوني

سألوني إيه أكتر يوم بتحلمي بيه من يوم ما كنتي طفلة؟
طول عمري بحلم بأهم وأكبر حفلة
بيوم يتحقق فيه حلمي
ورد وفل في الهوا نرمي
يوم تتلم فيه العيلة
في يوم هنسميه أحلي ليلة
يوم استنيته واستحملت عشانه كتير
عشان يوم ما يجي هقدر أخيرا براحتي أطير
يوم بداية حياة جديدة
مش هتكون أبدا سهلة، دي حاجة أكيدة
يوم هكون فيه محط الأنظار
رقص ومغني ده أنا هولعها نار
يوم أفصّل فيه فستاني الطويل
والبس علي راسي تاجي الجميل
وامسك في إيدي
شهادة التقدير
ما أنا أصل فستاني أسود قمة في الجمال
وتاجي قماش مش كريستال
يوم هغير فيه لقبي اه
بس من طالبة مجتهدة
لخريجة مبتهجة